عجبتني صورة البحر <<لاحد يدور الصوره بمخيلتي
.......
الخطأ من الاهمال يعني بعض الاماكن مايحتاج انك تاخذ طفل عمره اقل من 5سنوات لمحل زحمه وتفلته ولا مسكين

تضرب فيه طول الخرجه والولد يبكي .. احيانا الحرم (اذا كان من اهل جده او مكه لما يكبر خذه ).. او لمول لغرض

ضروري خله في البيت ..واذا راحو يتمشو بر بحر تكون العيون عليهم ..الصغار مشكلتهم انهم يحتاج للواحد ان ينتبه لهم ....<<اسألو مجرب

قبل شهر تقريبا ضاعت اختي في البلد تخيلو..

انا ما احب اخذ صغار للسوق لو يطرطعون خاصة اذا كان المشوار للسوق لضروره.. ولو راحو انا اجلس بالبيت..

طبعا روحتنا للبلد كان لضروره ..كنت رافضه اني اخذ اخواتي الصغار وابوي اصر ..كنت محتاجه اكسسوارات واضطريت اروح <<روحة قلق ..

هناك في جهه اللي قدام مؤسسة النقد كلها اكسسوارات.. للسهرات<<علمتكم..

المهم دخلنا محل له بابين .. الكبيره 4 سنين من نظره صنمت بجمبي ولاتحركت <<لأنها عارفه اللي بيجيها اذا عاندت <<مو شريره بس لازم الواحد يتعامل بحده اذا احتاج الوضع..

اما الصغيره ((اخذت عناد العيله كله ..الله يحفظها ))سنتين لو مدري ايش اسوي تعاند وتستهبل"تجلس تقدلني " ..

جلست اختار وعيني للصغيره مع ان ابوي معاها بس قلق ..اخترت كم واحد على السريع ..بس بأرجع البيت

..لما خلصت شفتها جالسه على كرسي ناديت ابوي عشان الحساب جا ابوي يحاسب وانا التفت عليها

مالقيتها.. ناديتها ماردت ((..فرح ..فرح..))<<اسمها ..لارد ..رميت اللي بيدي

ودرت المحل مو موجوده جن جنوني ..طبعا خرجت واسأل ماحد شافها ..مشيت مسافه والافكار عاد

توديني وتجيبني .. ورجعت ..لقيت ابوي يدور ويسأل ..واحد جزاه الله خير من نفس المحل راح

يدور من جهه وانا رجعت خرجت من الجهه الثانيه كان الوقت متأخر والمحلات بدت تفضى واللي مقفله

..مشيت الين اخر الشارع ماهي في ورجعت<<<كل ما افتكر نفسي اقول ربي حماني ولا وحده لحالها تمشي

بين محلات مقفله ولاعندها احد فريسه سهله جدا ..

رجعت وبعد فتره رجع الرجال اللي خرج بعدي بفتره طويله ..وكانت معاه ..انا ارتحت .. طبعا ماضربتها

ولاشي حضنتها وانا ميته بكى اخذتهم وطلعت السياره ولافكرت ولا بأي

شي ولا رحت الزواج <<كرهته..

لما رجعت البيت قلت لهم ومعاهم الوالد لما اقول مافي وحده تروح يعني ماتروح .. بس

يوم ما انساااه بلحظه البنت اختفت ..ولا حتى خمس دقايق..

واذا علي ..انا ضعت بسوق السوريين بجده طبعا <<ياكرهي له كره كذا ..بس كنت شاطره رحت جلست على السياره استناهم.. خخخخخخ


يارب احفظ اخواتي ..

تسلم على الموزوع ..وسوري لأني طولت الهرجه