إقتباس الرسالة الأصلية كتبت بواسطة abo_nasser بسم الله الرحمن الرحيم صورة بحر(رفعت الصوره وطلع حجمها كبير..وكلكم عارفين البحر فما يحتاج اصغر الصوره) جالس مع الاهل على البحر عوائل بكل مكان..شباب صبايا مبزره شياب عجايز..البحر مزحوم على غير العاده..الله العالم انهم عرفوا اني طالع.. الناس متقسمه بين شباب يسبحون او يكحلون وبنات جالسات على البحر او يلعبون مراجيح ومبزره بكل مكان تنتظر بس يقولون فيه ورع انصدم..! طبعا الناس بما هم فيه اما انا متكي مع البحر الذي يبدوا لي اشتاق لي كثر شوقي اليه..ولا اكحل ابد.. وقت جلستنا جاء رجل كبير بالسن وماسك بيده طفله صغيره اتوقع عمرها 3 سنوات ولما اقترب منا قال:البنت هذي تبعكم..؟؟ الغريب ان البنت ما كانت تبكي ولا خايفه خصوصا انو ماسكها رجل غريب عنها بل كان بفمها حلاوى (الله العالم انها الحلاوى الدائريه لان خشمها كان مرفوع لفوق شوي)..وكانت طبيعيه جدا وكأن لسان حالها يقول (متعوده دايما)..! راح الرجال والطفله ليكملوا المسيره بين العوائل والزحمه وهو يردد..البنت هذي تبعكم..؟؟ان شاءالله يكون حصل اهل البنت وياليت يكون كرش ام الفاغر اللي مسوي فيها اب.. هذا المشهد يتكرر علينا بكل مكان عام ...اسواق منتزهات بر او بحر حتى بالعزايم تحصل مبزره ضايعين كل فتره نقرا اخبار او اعلان عن طفل مختطف او مختفي وتنشر في صفحات الجرايد والانترنت ويقراها الملايين من الاباء والامهات ليه ما يكون فيه اعتبار من جانبهم ويهتموا اكثر باطفالهم؟..والا المسألة صارت عمليه تفريخ..وبعدها يعطوهم اذن بالانتشار..؟؟ على الاقل يهون عليهم تعبهم ذيك الليله؟..وما ترتب عليه من مراجعات بالمستشفيات الى وقت الولاده..؟؟ الام تطلع عينها في الولاده وفي لحظه ممكن تفقد طفلها بسبب اهمالها هي والفاغر اٍسأل الله العلي العظيم ان يرجع كل مفقود لاهله سالم معافى لكم المايك..احكوا ما بدا لكم..اذا احد قد ضاع عادي...كلنا نضيع..بس اذا فيه احد اختطف يقولنا لنا هرجته بالتفصيل وبدون تشفير.. سلااااااااااااااااااااااااااااااااااااااااااااام

حيا الله من جانا


و الله انا طفشانه اليوم و شكلي بهذر واجد ................ ما حسبت


هذا جارنا الله يسلمك كان من الورعان اللي يعرفون كل شبر كل فتوته بالحاره .........ذاك اليوم زعل من امه و قال لها و الله لاضيع نفسي و امه كانت بايعتها ذاك اليوم قالت له ضيع


بعد كم ساعه جاء و عيونه تترقق من الدموع........... يمه عجزت اضيع كل ما رحت مكان عرفته