|| مواقف الشباب ||

الموقف الاول :

- وش بيكون موقفك ياحلو انت وياه لو كنت معزوم على عرس واحد يقرب لك وخاص جدا جدا المهم انت ذاك اليوم تكون متكشخ اخر كشخة
وثوب جديد وشماغ سكبة وعطر وحركتات وفله وانت رايح للصالة يكون راكب معك بزر ومعه عصير فراولة احمر < اكيد احمر اجل اصفر
وتلف لفه ويجيك ابو الشباب طاير ويكب العصير كله عليك ؟
طبعا ثوب بديل له ماعندك ولايجيني احد يقول مااركب بزر هذا من شروط السؤال مافي مفر يعني هههههههه

عادي تحصل في احسن العوايل
طبعاً ايزي الله يسلم الوالده برجع البيت على السريع صابون تنظيف عدة الطبخ ( المواعين ) افرك الثوب ومجربها بصراحه ومافي اي مشكلة بس راح يكون في مويه شويه امسحه واجلس جنب التكييف او المروحه شوي ويكون كل شيء حلو وتمام وتعطر وشغل السيارة والي كب العصير لاتركبه مرة ثانيه
( من قوانين ركوب السيارة عندي اكل وشرب للبزران مافيه حتى الكبار احياناً )


الموقف الثاني :

الموقف ياحبايب قلبي لو كنت في السوق جالس تتمشى ومتكشخ اخر كشخة المهم
شفت لك وحدة مووت حلووة مرة المهم وانت جالس تناظر فيها لفت انتباهك ان هالبنت هذي
ماشية ومتجهه لك يعني جايه لك طبعا انت اكيد بتسوي فيها ثقيل وراح تناظر بالجهة الثانية وتجلس تطلع الجوال وتكشخ فيه بيدك
ولا وسماعة البلوتوث بأذنك يعني ينقال انك واحد كشخه وبنفس الوقت مسوي ثقل
المهم يوم تاصلك البنت تقولك : لو سمحت اخوي ممكن جوالك ضيعت اهلي وبدق عليهم مامعي جوال
الحين عاد انت تقعد تسوي فيها يعني ذبحتك الشهامة والرجولة وبتقولها تفضلي الجوال تامرين امر
ويوم تعطيها الجوال تتذكر ان جوالك مافيه رصيد او مقطوع هههههههههههههههههه < يلعن ام الفشله
طبعا ابي وش الشي اللي بتسويه وقتها في ناس تقول مثلا اقولها ارسلي كل مي طيب يافاهم ماقلنا شي بس وش بيكون ردة فعلك وقتها بدون لف ودوران

طبعاً ماراح اكون بهالموقف لانها صعبة اصلاً بس على سبيل المثال
اذا طلبته اقولها من عيوني بس مافيه رصيد ( اصير لها رصيد )
تبين ترسلين كول مي ؟



الموقف الثالث :


هذا موقف من اقوى المواقف جريمة قوية ههههه
تخيل ياصقيقي الشاب انك جالس في الفصل او القروب اللي انتي تدرس فيه المهم وبتكون علاقات مع خوياك اللي معاك وانت معاهم مو بذاك الميانه
وقفت وقلت ياعيال اليوم العشى علي قولوا تم < من الهياط والله
ويجون الشباب تم يانفر انت اليوم العشى عليك المهم بوتعزمهم في مطعم وانواع الرزة والكشخه \وبعد مايتعشون الشباب بتروح تدفع الحساب وتكتشف انك طلعت مستعجل وناسي الفلوس بالبيت < الييييييمه وربي وتتصل على كل الشباب اللي تمون عليهم مامعهم فلوس مطفرين
وش بيكون موقفك خصوصا انو خوياك ماتمون عليهم لدرجة انك تقول ادفعوا عني انا نسيت الفلوس



طبعاً هذي تحصل ومافيه مشكلة بس ماهو بنفس الطريقة مثلاً دخلت بقالة اول مرة ادخلها شريت ادور المحفظة ماحصلتها شيء عادي بقوله محمد ان ينسى فلوس يرجع بعد ساعه يجيب فلوس اوكيه ؟
طبيعي ماراح يردك اذا شافك محترم وشكل يفتح النفس




طبعاً افضل مافي المواقف المحرجه وقت احراجها