اولا اخوي الهلال ما استعد مبكرا للدوري بالعكس كانت استعدادته سيئه بعكس الفرق الأخرى الي من نهاية الموسم الماضي وهي قاعدة تشتغل في الصفقات الخارجيه والداخليه شفنا الاتحاد بعد نهاية الموسم الماضي تعاقد مع اربعة لاعبين والاهلي جدد عقود محترفينه وتعاقد مع محترف آخر وغيرها من الفرق
وثانيا مستوى الفريق جيد الى حد ما وما نستطيع نقول انه مستوى ممتاز لأن المباراة كانت امام فريق سهل
ثالث شي ابي اعرف وش نقصد بالعالمي ؟؟؟؟؟؟؟
هل لعب مع منتخب بلاده ؟؟؟
اذا لاعب دولي واوروبي او غير اوروبي صعب انه يجي للسعوديه حتى لو اندفعت له ملايين كثيييره وهاذي الملايين غير متوفره ايضا اما اذا كنت تقصد لاعب دولي سابق ايضا اشوف انها صعبه في ظل الظروف الماليه الي تعيش فيها معظم الانديه السعوديه
بعدين احنا الاحتراف فاهمينه غلط ما عندنا فكر احترافي لا في الاداريين ولا في اللاعبين
شفت لاعب الاتحاد هيريرا هذا لاعب دولي في كولومبيا وكانت فيه مفاوضات بينه وبين انديه فرنسيه والاتحاد وقدر الاتحاد انه يكسب الصفقه
تدري انهم يفكرون يعيرونه عشانه ما ادى اداء ممتاز في مباريات وديه اي احتراف نتكلم عنه
حكموا على لاعب يلعب في بلد غريب وعادات وتقاليد جديده على اللاعب مناخ مختلف لاعبين لأول مره يلعب معهم ويحكمون عليه من مباريات وديه
يا ما لاعبين نحكم عليهم بالفشل ونشوفهم يبدعون مع انديه اخرى عندك مثال اكوا لاعب الاتحاد القطري والي خسره نادي الشباب والكثير لا تحضرني اسمائهم في الوقت الحاضر
احنا نعتبر اللاعب الاجنبي ساحر والعياذ بالله مو انسان مثلي ومثلك نطالبه بأنه هو الي يجعل الفريق ينتصر بأنه هو الي يسجل الاهداف ويدافع في نفس الوقت وما نهتم للمشاكل الي هو فيها والظروف المحيطه فيه ياخي أعظم لاعبي كرة القدم لازم تجي عليه مباراة سيئه ما يقدم فيها اداء وهذا شي طبيعي للغايه
تدري بعد وش الي يترك اللاعبين ما يبدعون او ما يقدمون مستويات جيده لأننا ما نتعاقد معهم الا قبل المباراه الاولى في الدوري بيوم متى يمديه يتعرف على اللاعبين ومتى ينسجم معهم وبعدين نقول عنه فاشل ونلغي عقده وتستمر الاسطوانة كل هذا غلط
طبعا فيه اشياء كثيره ايضا في اختيارات اللاعبين وتحديد المراكز التي يحتاجها الفريق وفي الغالب انها غلط
آسف على الاطاله وانا اشوف الكلام الي قلته اكثر من موضوعك بس موضوع الاحتراف عندنا يبغاله الشي الكثير والكثير جدا
وشكرا وآسف على الاطاله مره اخرى