مكينة سيارتي خبطت بسبب الامطار وش الحل؟ الحمدلله على الامطار وان شاء الله امطار خير وبركة
امس قدر الله علي وغرقت في الموية ولولا الله ثم عيال الاجواد كان علقت
اللي حصل لما طلعتها بعد 6 ساعات حاولت اشغلها رفضت تشتغل وخليتها ووديتها اليوم الصناعية بسطحة وقال بنشوف بعدين لما فكك الراس شوي قال ان حتى التوضيب ما ينفع يبيلها مكينة كاملة من التشليح ولما سألت لقيت ان السعر حول 16 ألف ريال
طبعا الحمدلله ماديتي ممتازة والوالد ان شاء الله ماراح يقصر ولو كان توضيب بتكلف حول 6000 ريال بس لكن يقول الميكانيكي لازم مكينة جديدة ما ينفع التوضيب
الحين من المسؤول ومن بيعوضني وبيجينا تعويضات زي اللي جت لجدة والا حرامية الرياض اكبر من حقين جدة؟ |