إقتباس الرسالة الأصلية كتبت بواسطة Cataluña شفت المباراة كامله الملك جيمس وهو مصاب افضل مسجل وافضل اسست ومو وليامز بالربع الثالث لعب بحسبتهم بس استغرب اداء شاك وجيمسون اليوم كانوا داجين بالملعب

شف اخوي صحيح جيمس يسجل كثير .. بس بيني و بينك هذا الاعب اناني

خلنا نكون صريحين .. انا مباراتهم مع السلتك الاولى ماشفت الا الربع الاخير على جستن

الربع الاخير كامل تقريبا يمسك الكورة الين اخر ثانية وبعد يا يشوت ثلاثية او يخترق ويستخدم قوته

وحتى هو يصير الموزع رغم وجود ويليامز اللي هو صانع الالعاب .. حتى بعد المباراة جاء برنامج inside the nba

و واحد من المحللين قال هالشي .. الفريق فيه اسلاحه كثيره .. شاك ..وليليامز .. ويست .. جمسون .. كارتر وغيرهم كثير

يقول يعني لازم تصنع لـ غيرك مو تمسك الكورة لـ اخر ثانية وتسجل .. يعني في الربع الاخير مجموع نقاط باقي الفريق 8 او 10 بس

والباقي جيمس .. رغم ان الفريق مرصع بالنجوووووووووووم وكلهم قادرين على التسجيل

وحتى قبل كم يوم شفت تصريح لـ كوبي بـ موقع الـ nba بعد المباراة الخامسة مع اكلاهوما

هو سجل تحت العشرين وتالق في ذيك المباراة قازول و باينم

المهم سالوه ليش ماصرت تسجل كثر .. وقال انا ما احتاج اسجل 40 و 50 نقطة اذا قازول وباينم و اودم يلعبون كويس

اذا ماكانوا في يومهم انا راح اسجل .. فـ اللي يقهرني بجيمس انه مايعطي الفرصه لـ غيره علشان كذا انت تقول شاك ماكن في يومه

ولا وش رايكم شباب

إقتباس الرسالة الأصلية كتبت بواسطة GoldenEngineer يا ليت !! .. بوسطون كان مسيطر عالدوري في بداياته ، لدرجة إنه جاب تقريباً 8 أو 9 ألقاب متتالية ، وكان آخرها في 2008 ، ممكن ترجع لسجل الأبطال ؛ للتأكّد .. ،،، يالله مبروك الفوز ، كان صعب بس أهم شي إنه جاء .. .. ،،،

الله يبارك فيك .. صحيح الفوز كان صعب شوي وانا رفع ظغطي المدرب فيل .. في اول الشوط الرابع

لما طول بالاحتياطي وخلى يوتا يرجعون لـ فارق نقطة .. بالنسبة للبطورلات

طلع الفرق بينهم بطولة وحده الليكرز عنده 16 و بوسطن 17 .. رغم ان الليكرز لعب نهائيات اكثر

للحاب يتاكد هاذي صفحة الليكرز [ هنا ] وهاذي صفحة السلتك [ هنا ] وشوفوا عدد البطولات تحت على اليمين

بانتظار مباراة الكافز و السلتك .. احس راندو يبي يلعب في حسبت الكافز مثل المباراة اللي فاتت ههههه لاعب مجنون

اسف على الاطالة شباب .. لـ عودة