|
ياهوووه ! لاترمي بيوتٍ جبالي ××× وانت الذي بيتك قزازٍ حصونه !
  قالوا مثــالي ! قـلت يـاهــملالي ! ××× مايجتمع لون المثالي بلونه
هـذي تــراها لعـبةٍ للثــعالي "1" ××× وفكرٍ تغَذّوا به قــديمٍ فنونه !
شّبّوا عليه .. وشاب كل احتيالي ××× يصعب عليهم مثلنا يقنعونه !
واليوم ابو خمسة يعـيـد المجالي ××× ضَيّع علومه في مواني ظنونه !
شفته مع الخمسة قليل احتمالي ××× ما عاد له حيلة تراوغ عيونه !!
لاشمس لافزعة خليل الجلالي ××× ركضة زعيمٍ ما قووا يلحقونه !
عَوَّدْ على كثر الهذر والمقالي ××× يرمي شرار ويحترق به جنونه !
ياهوه .. لاترمي بيوتٍ جبالي ××× وانت الذي بيتك ( قزازٍ ) حصونه ! 1- الثعالي ( الثعالب ) | 