السلام عليكم

شوف اخوي

- وأنت جاي من الشرقية لاتروح يمين ولايسار .. ولايهمك لوحات الرياض يمين ولا الرياض يسار .. اممممش الين توصل طريق الدمام ( امتداد الدائري الشمالي ) يعني بالعربي .. وانت ماشي سيدا راح تطيح بالرياض .. بدون أي لوحات تقول لك غير كذا.

- إذا وصلت طريق الدمام ( امتداد الدائري الشمالي ) امس سيدا راح تطلع فوق كوبري ( المعروف بكوبري الفحص ) وتحتك طريق الشيخ جابر .. امش سيدا راح تعدي المخرج الأول ( خالد بن الوليد ) وتعدي المخرج الثاني ( المؤدي للمطار ) وتطلع مع المخرج الثالث اللي راح يطلعك على الدائري الشرقي . انتبه ترى المخارج هذي مابينها فوت . ترى غالباً تحصل عسكري مسنتر هناك

- أول ماتروح مع المخرج راح يلف بك المخرج ويطلعك على الدائري الشرقي .. وتمسك الأيمن وتلقى مخرج ( 9 ) اطلع معه ولف يمين .. حاول تدخل الخط السريع في المخرج ولا تقعد في خط الخدمة .. أول إشارة ( في الخط السريع ) تعدها .. انزل مع أول كوبري .. وانزل مع ثاني كوبري ( انتبه ترى غالباً فيه تفتيش بعد الكوبري الثاني حول المغربية إلى آخر الليل ) .. الحين حاول تدخل خط الخدمة عشان تاخذ ( يو تيرن ) مع الإشارة .. إذا اخذت ( اليو تيرن ) حاول تقعد بخط الخدمة .. لأن الكلية راح تجيك على اليمين .. قبل فرع شركة stc

وبس

ملحوظة : إذا لخبطت وانت جاي من الشرقية وطلعك الخط على طريق خريص ( يعني اتبعت لوحات .. الأمينة حقت الامير نايف ) امش سيدا ولاتلف يمين ولا يسار راح تطلع فوق كوبري ( معروف باسم كوبري الحرس ) بعد كوبري الحرس .. انزل مع الكوبري الأول والكوبري الثاني والكوبري الثالث والكوبري الرابع .. راح بعدها يطلعلك ( مجمع كباري ) رح انت يمين - يمين .. لأن فيه يمين-يسار راح يطلعك على مخارج 14و15و16و17و18 واحنا مانبيها ولو رحت سيدا راح تطلع مع الحرس الوطني وكوبري الخليج .. لذا إذا وصلت مجمع الكباري بعد الكوبري الرابع روح يمين - يمين .. هذا هو الدائري الشرقي بس من الجهة الثانية .. امش معاه الين توصل مخرج (9) راح طبعاً تتعدى مخرج 12و11و10 .. وتدخل مع (9) تلف يمين حاول تدخل الخط السريع وتاخذ ( يوتيرن ) معاه .. لأن الخدمة بويديك على طريق ( خالد بن الوليد ) .. إذا اخذت اليوتيرن .. أول إشارة ( في الخط السريع ) تعدها .. انزل مع أول كوبري .. وانزل مع ثاني كوبري ( انتبه ترى غالباً فيه تفتيش بعد الكوبري الثاني حول المغربية إلى آخر الليل ) .. الحين حاول تدخل خط الخدمة عشان تاخذ ( يو تيرن ) مع الإشارة .. إذا اخذت ( اليو تيرن ) حاول تقعد بخط الخدمة .. لأن الكلية راح تجيك على اليمين .. قبل فرع شركة stc

حياك