|
قدر الله وما شاء فعل .. ورب ضارة نافعه ..
[ALIGN=CENTER]
السلام عليكم
في البداية أقول قدر الله وماشاء فعل
ورب ضارة نافعه
والله يعوضنا في المباراة الجايه ونتأهل بإذن الله
صراحه من زماااااااااااااان ماكتبت في المنتدى
لكن اللي شفته بعد المباراة من اندفاع ونقد جارح للاعبين معينين وباسمائهم وبطريقه مرعبه
هو اللي خلاني اكتب
لان قبل المبارة كان المدح والتشجيع هو السمة الطاغية على المنتدى .. وفجأة انقلب كل شي
ياناس اليوم ماكان يوم الهلال
والكورة فوز وخسارة
وبعدين رب ضارة نافعه .. يمكن هالخسارة تكشف للمدرب اخطاء كانت غايبه عن نظره
وترجع روح الهلال اللي شفناها في مباراة الياباني
وتحسس اللاعبين بالخطر..والتقصير اللي صار اليوم
ويصرون على التعويض في المباراة الجاية
لكن من يقرا اللاعبين هالكلام المكتوب والسب والشتم اللي مامنه فايدة
ماراح تكون النتيجه غير تحطيمهم .. والتفريق بينهم
-- -- -- قفله  * العتيبي ماكان اليوم يومه .. لكن لاتحملونه فوق طاقته .. وهدف واحد اللي يتحمل جزء من مسؤوليته .. أما الباقيه فهي ملعوبه ومن أجمل أهداف البطولة
رجاء لاتسوون فيه مثل ماسويتوا بالدعيع بعد الخمسة الأولى .. واللي ما استفدنا منها الا الخمسة الثانية
ولا تنسون انه كان موفق في المباريات الماضيه .. ولاتخليكم هالخسارة تمسحون ابداعه من الوجود وتخليه اسوأحارس في العالم
الى العتيبي : أرجو أنك تستفيد من الأخطاء اللي صارت اليوم وخصوصا في التمركز الجيد
وباذن الله تعوضها بحملك لكأس البطولة .. ولا تخرب فرحتنا برجوعك لمستواك المعروف
وهذي فرصتك .. وباذن الله اللي حدث اليوم كبوة جواد
* المدرب الخالد ليت المباراة الجاية تلعب بتشكيلة الشوط الثاني من البداية
لانها هي اللي من بدت البطوله تدخل لنا اهداف[/ALIGN] | 