بغض النظر عن تصريح رونالدو .. أعتقد إن علة الريال مثلما تفضلت هي عدم الاستقرار الفني .. وفرض الإدارة أسماء معينة على المدرب .. ريال مدريد صاير مثل باص النجوم نجم ينزل ونجم يركب!

بالنسبة لرونالدو فهو مثلما تفضلت لاعب متمحور حول نفسه ما يلعب للفريق وهذا واضح .. يلعب لنفسه ويبي كل شي له .. ونسي إن هذا ممكن يحصل بمانشستر مثلا .. لكن بالريال صعبة .. كلهم نجوم يا حبيبي ولهم تواريخ وحتى اللي راح مو أقل من اللي جا ..

الحقيقة يذكرني رونالدو بـ بيكام .. ! كان الإعلام والمجد مسلط عليه وكان الاحتراق والفن والحرفنة لـ قيقز ! ويوم راح بيكام عن المان تغير كثير .. وبقى قيقز هو الأسطورة الحية الحقيقية .. لأنه في النهاية ما يصح إلا الصحيح!

لو تلاحظ نفس الحالة مع روني ورونالدو .. ويوم طلع رونالدو من المان بانت القيمة الحقيقية لروني ولرونالدو بعد .. ويا خوفي تكون نهاية رونالدو مثل نهاية سلفه بيكام .. خصوصا إنهم يتفقون في أشياء كثيرة ..! بس اللي متأكد منه إن روني بيبقى هو الرمز الحقيقي .. مثل سلفه قيقز .. وهذي ما عليها كلام

مشكلة الريال أو إدارة الريال إنها ما استوعبت للحين .. إن الملايين لا تشتري الإخلاص والانتماء!

تحياتي لك ..