نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

إياد المحبه · #2 15/08/2004, 05:55 AM

ياهلا ويامسهلا بك عزيزي al-king-figo ...

وشاكر لك ياغالي على طرحك للموضوع ..

أحب أعلق على بعض ماتم من طرحه على لاعبي هذا الفريق الذي لا يُـقال عنه سوى أنه نادي القرن ..

من ناحية العيوبـــــــــ

ايكير كاسياس ..

إقتباس


	قصر قامته 183سم

اللحين هذا بالله عيب .. ياخي الطول من الله

ويكفي انه مبدع على حراس سبقوه ويُـعتبر أحد أفضل حُـراس العالم ويكفيه فخر انه حارس المنتخب الاساسي ..

[HR]

كارلوس ..

إقتباس


	قصر قامته لا تساعده على اخراج الكرات العرضيه عدم مسانده للدفاع بشكل دائم ( ميله للهجووم)...

يقول لك كل ما قصر الشخص خاف منه ..

واظن لو انه طويل سم واحد ما اتوقع انه اخذ احسن ظهير ايسر في العالم ;)

اللحين مساندته للهجوم يُـعتبر عيب

توني وانا اتصفح الموضوع قريت ان زيدان تعيبون عليه انه مايساند الدفاع !! تناقض في الموضوع ..

[HR]

والتر صامويل

إقتباس


	الخشونه الزائده و تركه للدفاع و الذهاب للهجووم اذا حدث فاول او ضربه ركنيه...

اذا لم تكن ذئباً اكلتك الذئاب .. وهذي عندك فييرا يموت في الكروت لازم يشكل فيها .. وشوفه افضل محور في العالم ..

ويكفيه انه من احد افضل 3 مدافعين في العالم قوه ..

ولابد عليه اذا حدث ركنيه انه يتوجه لمساندة الهجوم .. اما اذا فضل البقاء هناك هذاك وقتها عيب فيه

وايضاً لا اخفيك وقت توجهه الى الفاولات .. ويش اللي يوديه هناك

[HR]

هلقيرا وسلجادو

عيوبهم صائبه بهم ..

[HR]

بيكهام ..

إقتباس


	انه لاعب نوعا ما عصبي (خاصه عند تسديد ضربات الجزاء ) و ايضا عدم ايجادته للمراوغه بشكل ممتاز و ايضا انه لاعب بطئ...

عصبي لا خلاف عليها .. وخاصه عند تسديات الضربات الحره .. وشلون يعني ممكن التفسير لها

شلون يعني يتطاق مع الكوره

غير مراوغ ممكن بعض الشيئ من خلال متابعتي له ..

وشلون تقولون عنه انه لاعب بطيئ .. اول شي شوف مميزاته اللي كاتبها

إقتباس


	مميزاته: (يعتبر اكثر لاعب ركضا بارض الملعب في الدوري الاسباني بالقسم الاول)..

شوف الفرق والتناقش في الموضوع !!

وبعدين اضيفك بيكهام لا خانته لا تتطلب منه انه يسرع مثل الهجوم او الدفاع ..

[HR]

فيجو يافيجو يا اُبّــهَ

إقتباس


	مراوغاته الزائده و عدم لعب تمريرات في بعض الهجمات المرتده مما يقلل خطورتها و عدم مساندته الدفاع بشكل دائم...

مراوغته الزائده ولكنه كثيراً منها ماينجح ..

وعدم تمريره للهجمات المرتده .. مدري هذي من وين مطلعينها عليه !!
اما بالنسبه الى عدم مساندته للدفاع هذي ليست من إختصاصه ..

[HR]

زيدان ..

إقتباس


	عدم مسانده الدفاع...ويحتاج الا رفع اللياقه البدنيه ...

كمان هذه ليست من إختصاصه .. وشوف مكانه مثل مارادونا .. وهل كان مارادونا يدافع !!
اما انه يحتاج الى رفع اللياقه هذي كثر لي منها شوي

إقتباس


	تمريرات دقيقه لا يتقنها اي لاعب بالوقت الحالي...بنيه جسديه قويه...لديه كنترول عجيب على الكره...عندما يراوغ فلا شيئ يوقف سحره...قدمه كالمغناطيس عندما يستقبل الكره....يجيد الضربات الحره...ويعتبر افضل لاعب يراوغ بحركات فنيه بالوقت الحالي

كل اللي ذكرتها وتقول لي لياقه !!؟

[HR]

راؤول

إقتباس


	البنيه الجسديه الضعيفه...البطئ في بعض الاحيان...مستواه غير ثابت من مباراه الى اخرى....

البنيه التي ذكرتها يُـجاري بها من هم اكثر منه صلابه .. والبطئ هذه توجد في اللاعب انا معك فيها ... والمستوى لا خلاف عليها !!

[HR]

رونالدو

إقتباس


	انه لا يجيد الضربات الراسيه بشكل جيد... ولياقته البدنيه ضعيفه...التعرض كثيرا لاصابات...لا يقاتل على الكره(لايركض الا اذا اتته الكره)...

بالنسبه الى الضربات الرأسيه خبرك الصلعه وماتسوي تزلق الكوره من العرق

ولياقته ضعيفه .. هي باتت في الاونه الاخيره .. ولكنه مازال على سرعه لا توصف ..

ولعنة الاصابات اللي تحل عليه .. هم اللي يكسروا ولا هو اللي يتكسر !!
اما لا يُـقاتل على الكره ولا يركض الا اذا اتته الكره .. اكيد مابروح لها .. هي اللي تجيه

لأنه مهاجم في البدايه والنهايه .. وبعدين لا تنسى مركزه يحتم عليه إستقبال الكره من الخلف اي إنتظر الين ما العب لك يابو رونالدو

[HR]

موري المرعب

إقتباس


	البطئ....لا يجيد المراوغه....لا يهتم اذا فرقه كان فائز ام خسران(حتى لو كان خسران و بقا دقيقه وتنتهي المباراه فلا نجده يتحرك و يهتم بل يظل على نفس ادائه...

البطئ .. فيه منها شوي .. ولا يجيد المراوغه .. كمان لك عليه .. ولا يهتم اذا كان الفريق فايز ولا حسين

اقصد خسران ..

هذي بالنسبه اذا كان خسران للأسف مايزعل

وهذي اذا كان فريقه فايز كمان مايفرح ..

وهذي الصوره اضغط عليها لأقول لك قمة الاخلاص للفريق اللي يلعب له مهماً كان

[HR]

تحياتي لك ياغالي وأتمنى ان تكون الردود لقت حُـسنها وانا لم أتكلم الا بما اشاهد ..