.
هاه شفتوا الاتحاد المانشستراوي
؟!
بس احلى شي الظلم في حق الكل عدل .. يعني يا مانشستراوية مالكم حق تقولون شي .. تنزرفون بـ بلنتي والنتيجة 0-0 .. تكونون احسن وتقربون من التسجيل ويجي حكم خط زرفكم بهدف متقدم فيه دروغبا بمتر عن اقرب مدافع .. عادي الحياة حلوة
.
المشكلة نفس الكلام اللي نقوله ولنا سنين نتكلم عنه .. كل الفرق تنظلم بس محد راضي يقتنع .. قلنا لكم حتى مانشستر ينزرف مثله مثل اي فريق .. واظن اليوم الكل شاف بعينه كيف يضيع مجهود دوري كامل بسبب حكام اغبياء ! .. من هاللحظة ياليت سالفة التحكيم تتغير هنا .. كلكم شفتوا بعينكم كل الفرق تستفيد .. وتنزرف !!
ماعلينا مبروك تشلساوية
.. هاردلك مانشستراوية
.. راضي عن الفريق بالشوط الثاني .. الفريق ما قصّر اليوم .. غياب روني مؤثر مهما حاولنا نبين عكس هالشي .. لاعب طول الموسم كنت تعتمد عليه بالتسجيل (ترى قلت بالتسجيل
) ويغيب عنك في اصعب منعطف من الموسم طبيعي تبي تعاني
فيرغي
ياليت ماكيدا ياخذ فرصته كاملة لحد ما يرجع روني .. جبلي لاعب يحترق ويركض ويحاول على الاقل احس انه يبي يسوي شي .. بيربا مستحيييييل يخدمك بخطه المهاجم الوحيد .. ناني اليوم نزل وعمل فارق .. تمنيته ينزل ابكر شوي .. غاري كان سيء .. كنت اتمنى اشوف رافائيل بس شكل السير موفرة للبايرن .. اوشي ياليت يرجع باسرع وقت ولا يهون هارغو
الدوري لا زال باليد بس صار اصعب .. تشلسي بيتعثر اتوقع اذا مو مع السبيرز مع الليفر اللي محتاج يفوز علشان يلقط الرابع وكل المباراتين برى ملعبه .. وما عليكم ليفربولية مال فريقكم منّه بنوقف لكم السيتي و السبيرز مع بعض
.. ويا مدور الهين ترى الكايد احلى
نحتري رضاوتك يوم الثلاثاء .. بإذن واحد أحد
