إقتباس س : آنتشآء تشلسآوي بـ سبآعيه ! ، فوز مآنشسترآوي محليآ // خسآره من آلبآيرن آوربيآ . آصآبه روني . آحدآث متضآربه قبل ملحمه آلآولد ترآفورد .. تحدث بـ آيجآز وآنطبآعك حول مجريآت آلمبآرآه .؟

متآكد ماتبي تتكلم زياده ؟ .. اولا الحمد الله على كل حال اصابه روني جت بوقتها قبل فتره كنت اشوف اثنين يتراهنون ايام ماكان تشلسي متصدر لدوري , يقول التشلساوي خلنا نتهادا ونقبل بنصيب النقطه , والمانشستراوي كان بيقدح بس سكت , الشاهد جاه اليوم واشوف كلام المانشستراوي يقول زينه لو نتهادى على نقطه , غياب روني عن مبارة السبت , غياب مهب مركز او لاعب , لو تذكر ايام رونالدو الاعب كان يعوض بماكيدا او اي لاعب ثاني وحتى لما غاب عن مبارة الجسر الي كانت برمضان للموسم الماضي , طلع الفريق متعادل معنا يعني العبره ماهي بغياب لاعب , روني غيابه نفسي , اكثر من انه والله مكمل للفريق , المان يفتقد للبديل وهذا شي متوقع دايما , اوين مصاب , وروني اصيب , والأمل على بربا الي ظنتي انه مليون بالميه ماراح يسوي الأضافه , صح انه ابن اللذينا متخصص فينا وسجل فينا حول الثلاثه اهداف ومنها هدف التعادل في نهائي كآس الحليب على موسسم الداهيه غرانت , لكن صراحه توقع الي بيصير .. مبارة ماتدري هي لحسه صراحه , بيغيب روني لكن فيه السير , مثل ماطلع رونالدو من الفريق واختفت اصوات الي كانوا يرشحون المان انه بينافس على لقب , هذا هو طلع روني وصار الهداف والمان صار ينافس على اهم جهتين له بالموسم , فرغسون انا متآكد انه يمديه يعد تشكيله قبل مبارة السبت , يعني يمكن نشوف مفاجئه ولا لعبه جديده بتشكيله , فيدتش الي قال ان غياب روني , راح يخلي املنا على بربا حسيت انه راح يلعب بحسبة الفريق نفسيا , يعني توقع بكره نلخم المان من بدري


تشلسي , فريق ماعنده حل وسط يااما يفوز على اقدح فريق بـ سبعه ولا يتعادل مع فريق ابو كلب , سناريو صرت اتوقع اشوفه كثير , تشلسي يعني ماتدري حنا لو لخمنا المان في اول ثلث ساعه وهذا سناريو راح يكون سناريو الموسم لآنشيلوتي لكنه صعب او على الأقل يخلص الشوط الأول متقدم بهدفين هذا الشي راح يخلي انشيلوتي منتفخ , وراح يرشحنا لثلاثه نقاط , حنا حاليا نعاني من الكور الأرضيه بشكل واضح وكبير , الفريق تلقم بـ 13 هدف من كور عرضيه وثابته وغير كذا عنده مدافعين طوال تيري واليكس واحسب عليهم تشيك , يعني فريقنا ماتوقع كان يعاني قبل من الكور العرضيه , تشيك الي انا اقول ان هالمبارة مبارة موسم له لنه صراحه الجائزه الي جته في فبراير كانت محل ثقه للحارس صحيح انه ماختبر بولا كوره قدام البومبي او استون فيلا , لكن الحارس صراحه يخليك تثق فيها وان شاء الله مايخربها خصوصا انه تعتبر مبارة موسم لنا , زركوف افضل لاعب بتشلسي هالشهر انا اشوفه صراحه بمبارة الأنتر لما طلع انشيلوتي الاعب زركوف قلنا ان الخروف سلم المبارة للأنتر , وصدق هذا الي صار روقونا من بلاك هذانا نلعب بدونه وماشيه امورنا , يعني لاعب سبب بلنتين وصنع هدف في مبارة البومبي وصنع هدف مالودا على الفلنز يعني لاعب صراحه تقول وينك من زمان صح عيبه اصااباته لكن لاعب صراحه يخليك ترتاح وهو ظهير ايسر , حتى دفاعيا الاعب جيد مهب شين , بالنسبه لظهيرنا الأيمن يمكن نشوف فيرارا او بليتي مدري اذا الخروف بيفلها ويخلينا نشوف بليتي على اليمين مع اني اشوف بليتي يمكن يجيب العيد مثل مبارة مان ستي , لكن شويه تفائل ان والله ممكن نشوف شي مهب شين من بليتي , فيرارا انا اشوف انه مهب شين ومكمل لتشكيله , ولا عنده اي اخطاء ومدافع مجتهد , يعني من يوم مارجع من الأصابه , الاعب صار يقدم اجتهادات مع الفريث صحيح انه مايلعب بالشامبينز , لكن لاعب مجتهد , واهنيه على مستواه صراحه ولا الومه لنه امكانياته عاديه مهب ذيك الأماكنيات وسرعه الي تطلبها بالظهير العصري اليكس ابو علي , هذا المدافع بطل بس لو يخفف من حبه رز الي ياخذها يكون افضل , الاعب محترف بمعنى الكلمه يقدم مستويات حلوه وافضل واذا لعب مدافع معصقل اسوء منه مايقول شي , وانا استغربه كنت من غرانت ومن انشيلوتي الحين يعني هدينك كان يلعب اليكس وكان سوقنا في دفاع ماشي , تيري عدت المشكله عليه ولو احس ان جمهور الآولد ترافورد بيسوي فلم على مصيبته ؟ لكن نبشر خير , الا ايسيان يقولون يمكن نشوفه اساسي ؟ ولو صدق هالخبر ان شاء الله النقاط بالجيب , نفترض ان ميكل لاعب معليه ومقدم مستوى حلو , هجومنا هجومنا تكفى يادروجبا سجل بس سجل وطيح فيهم , مابيك الا تسجل وتسدح بالملعب وانطرد ماعندك مشكله بس سجل وعطنا ثلاث نقاط انيلكا ماودك تجلس احتياطي ؟

إقتباس س : آلكل يدخل آلمبآرآه بـ هدف وآحد وهو ، آعتلآء آلصدآره .؟ من تتوقع يكون له آلكلمه آلعليآ في آلمبآرآه .؟

المان يونايتد الي يقولك ماخسر الا مره على هذا الملعب بس , وكانت من استون فيلا , والعظيم يقولك الفريق عشر سااعات ماحد قدر يسجل على ذا الملعب , وكان اخر من سجل هو استون فيلا , قبل مايكسرها الحبيب توريس في كلاسيكو انجلترا المان يونايتد الي له ريكورد على هذا الملعب , المان لعب 16 مبارة , كان له نصيب منها بـ 14 مبارة يفوز فيها وحده تعادل ووحده خسر منها الفريق سجل في ارضه 44 مره , وخش في شباكه 9 مره تراه هو اقوى دفاع بالدوري الظاهر , على ارضه او مب على ارضه تشلسي الي يقولك بالأوي الي هو برا ارضه سجل 30 هدف , ولقم 15 هدف , كان اغلبها من الستي وافرتون وطقه ذي تشلسي جمع برا ارضه حوالي 28 نقطه , وحتى المان افضل منه بنقطه , بعدد النقاط المجمعه بالأوي , تشلسي الي فاز في 8 وخسر في 4 وتعادل في 4 , يقولك تشلسي ماسجل في الأولد ترافورد من عام 2007 , والي كانت من كرفالهو بعدين الفريق الفريق لعب بالأولد ترافورد وخسر 2-0 , ولعب بعدها وخسر 3-0 , يعني اخر ريكورد رباعي , 2-0 , 1-1 , 3-0 , 1-0 , يعني افضل ريكورد لتشلسي كان 1-1 , المان سجل في اخر 4 مباريات 7 اهداف من 4 مباريات وتلقت شباكه هدف واحد من تشلسي وان تشلسي تلقت شباكه 7 اهداف في 4 مباريات , وسجل مره وحده الي من هي كرفالهو يوم يقول رؤوف ادلع ياكايدهم

إقتباس س : آلتشكيله آلمتوقعه ؟

انا اتوقع تشلسي يبدا بتشكيله

تشيك

زيركوف - تيري - أليكس - إيفانوفيتش

ميكيل

لامبارد - ديكو

مالودا - دروغبا - أنيلكا


المان في بيغيب عنه روني بسبب الأصابه الي صارت له في مبارة البايرن في الأيانز ارينا الاعب لعب دور مهم في تشكيله المان وكان هو الي يلعب دور النتيجه ودور الفريق القوي بالفريق , لاعب غاب بس السير موجود مثل ماكان يلعب بدون رونالدو يقدر يلعب بدون روني وهذا شي متوقع , من ناحيه الحارس ودفاع مافي شي بيتغير جاري نيفل متفلت وايفرا وفيدا واحتمال نشوف ريو ومحاور كاريك وفلتشر , وقدام يمكن السير يبدا بفلنسيا , ويطق في بربا اساسي من بدايه المبارة , واعتقد هو الأمل لفريقه وراه يمكن جيجز ويمكن نشوف بارك يطق اساسي , الاعب صار اخر الأيام اساسي , والسنه الي راحت جاب هدف في الجسر عموما اتوقع تغير مراكز , يمكن نشوف بارك وفلنسيا قدام , ويمكن نشوف جيجز قدام , وراهم فلتشر وكاريك ماتدري والله


يعني تشكيله الأخيره الي اتوقع يبدا السير فيها

سار

إيفرا - فيديتش - فيرديناند - نيفيل

غيغز - كاريك - فليتشر

بارك - فالنسيا

بيرباتوف

إقتباس س : آلنتيجه + مسجلي آلآهدآف لكلآ آلفريقين .؟ ومن بـ نظرك [ نجم آلمبآرآه ] .

2-1 لتشلسي , فديتش .. ديكو ودروجبا .. نجم المبارة ديكو

إقتباس س : كل مآ بـ قلبك من هيآط آسدحه فيذآ ( مسآحه حرره )

يرحم لي امك لاتزرفنا .. بعد مبارة الستي كنت اتكلم مع دنيدل بخصوصه ..

الله يعين بس