نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - ][ رابطة الكوليز [ رئيس برشلونة الجديد : ساندرو روسيل .. وداعاً لابورتا الذهبي ] أبطال موسم 2009/2010 ][

BaRcaAaWey · #14344 01/04/2010, 02:06 PM

الحين وش فيكم زعلانين يا عيال

صحيح إنك تكون متقدم 2 وتتعادل شي يرفع الضغط لكن نتيجة 2 - 2 في الإمارات وش تبي أحلى منها

وبعدين أرسنال خارج أرضه غير أرسنال داخل أرضه

أرسنال خارج أرضه انهزم من بورتو وتعادل مع برمنغهام
الأرسنال تقل قوته كثير إذا كان خارج أرضه عاد كيف إذا كان غايب عنهم فابريقاس اللي يعتبر نص قوة الأرسنال وغايب عنهم قالاس واحتمال أرشآفين يعني بيلعبون معنا أنواع الترقيع

وفوق هذا كله مباراة الإياب في الكامب نو اللي البرشا ما انهزم فيه هالموسم إلا مباراتين روبن كازان و اشبيلية وحدة انهزمنا بأخطاء ماركيز وحدة بالتحكيم يعني صعب صعب صعب جدا يفوز علينا الأرسنال في الكامب نو

الشي الوحيد اللي غبني في مباراة أمس غياب بويول وبيكيه عن مباراة الإياب
وأتمنى من بيب إنه يلعب بوحدة من هالتشكيلتين في خط الدفاع

أبيدال ميليتو توريه ألفيس
أو
ماكسويل أبيدال ميليتو ألفيس

وإذا لعب بالتشكيلة الثانية أتمنى أشوف توريه بالنص مع تشافي وانيستا

========================================

بالنسبة للمزحة

كنت حاب أخفف الأجواء شوي لكن شكلكم عصبتوا زيادة عشان كذا تم حذف الرد وإذا كنت زعلانين فأنا اعتذر منكم ..

قفلة خاصة لـ a.iniesta@8
ما كنت أتمنى أشوف ردكـ كذا كان يمديك ترسل لي على الخاص ولا تسوي زي حسين وتقول ما لها داعي بنص ردك لكن أنت الله يهديكـ منزل رد عشان تقولي يا بزر ويا سامج

إقتباس

الرسالة الأصلية كتبت بواسطة PUYOL Carles


	!!! CAMOUFLAGE ابراهيموفيتش .. من أتى للبارسا وهو يلقى انتقادات وانقسامات في الاشاده والذم من جانب الكوليز وذلك بسبب استبداله بـ المحبوب الأسمر سامويل ايتو .. البعض قال من البدايه انها صفقه سيئه .. والبعض انتظر شوي لين ماشافه في فترته الصعبه وقال عنه صفقه مومناسبه .. وتم خداعنا فيها ! بشكل نظري .. هالمملوح بدأ الموسم بشكل جيد جدا .. البعض قال انه انسانا ايتو .. وحصل على المديح من جهات عده سجل اهداف متتاليه .. جعلته من أفضل المهاجمين بداية في تاريخ البارسا .. لكن هل فعلا كان ضمن نطاق أفضل الصفقات في تاريخ النادي ؟ مر بـ فترة دروب قويه .. بدايتها من وجهة نظري لما واجه الاختلاف الفعلي في طريقة التحكيم بين الكالتشيو والليغا .. ابرا متعود على احتكاكات بدنيه قويه جدا .. وحتى في تحضينه على الكره يجط جسمه بقوه كبيره .. هاالشي تعود عليه في بلاد البيتزا .. لكن في الليغا .. وخصوصا مع فترة الاياب .. الولد اعتقد تعرض لضغط كبير من ناحية التكيف مع قرارات الحكام وتقبلها .. وهاالشي اثر عليه بالمجمل في مستواه مع الفريق كانافارو أول ماجا للريال .. عانى من هالشي .. لأنه كان متعود على تدخلات أقوى .. لكن هنا صار ياخذ كروت بشكل اسرع وبكميه اكبر ابرا في بدايته مع البارسا .. اعتقد .. كان بيب يهدف الى جعله يدخل في المنظومه بشكل اسرع وبشكل مريح اكثر .. وبالتالي كان في فترات عديده يوجه اللعب له وفي فترات اقل يخلي اللعب كالمعتاد ضمن المنظومه الجماعيه لما رجعوا المصابين .. ولما تعدلت اوضاع ميسي .. وتأقلم بيدرو مع الفريق اكثر .. ضاع ابرا شوي لأنه كان لزاما عليه .. يسرع من وتيرة لعبه .. يتاقلم جماعيا .. يفهم تحركاتهم .. يخدم زملائه قبل مايخدم نفسه .. ويسجل .. مع ظروف التأقلم الجماعي مع الفريق .. كان لازم عليه يتأقلم مع اختلاف طريقة لعب الدوري الايطالي والاسباني .. وطريقة التحكيم .. ومن هنا اذكر احد اخر تصاريح ابرا لما قال " احتاج لسنه كامله لهضم طريقة لعب البارسا " الجمهور مايرحم .. لاعب بسجل مثل اللي يمتلكه ابرا .. المفروض دائما وابدا يكون جاهز وفي المستوى بالنسبه لهم .. مؤخرا .. وفي الأسابيع القليله الماضيه .. صرنا نشوف new version من ابراهيموفيتش .. أقل احتجاجا على قرارات التحكيم .. تمركزه في عملية الضغط على المدافعين أفضل .. واسرع في طريقة اللعب ولكن .. لحظه .. لا يوجد شئ كامل .. ابرا القديم يسجل من هجمه واحده .. الآن ابرا الجديد يضيع اهدافا عديده .. لعل فكرة اضاعة الأهداف غير مهضومه تماما بالوقت الحالي .. ولكن وعلى النقيض تماما .. هي ماتجعل من ابرا على الطريق الصحيح [في الحاله الطبيعيه] .. تحصل ابرا على الكثير من الفرص .. حتى وان كان يضيعها .. هو شئ ايجابي .. لأنه يعني أن تمركز اللاعب وتحركاته حول وداخل منطقة الجزاء في تطور كبير .. ابرا في بدايته مع الفريق + فترة هبوطه .. ماكان يحصل احيانا حتى على فرصه وحده حقيقيه للتهديف .. ولكن الان اصبح يجد نفسه مواجها للشبك على الأقل مرتان في المباراه .. خدعة هذا الـ ابرا أم ماذا ؟! .. الأيام القادمه كفيله بالاجابه على هذا السؤال .. ولكن وبشكل عام .. ابرا يتطور واصبح فعال اكثر من قبل ..

كل الكلام اللي ودي أقوله عن إبرا موجود هنا