نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

محب الجنه الخرج · #1 31/03/2010, 07:26 PM

السلام عليكم ورحمة الله وبركاته

اولا نعزي اهالينا بالامارات بوفات المرحوم له باذن الله الشيخ احمد بن زايد وآخر الاحزان ان شاء الله

خلونا نفرفش شوووي ونوسع صدورنا ونشووف الهرجة اللي توسع الصدر

قاعد افكر من كم يوم وش عندك ياعليان انخفض مستواك ماعاد تبربر بشبكة الزعيم مثل اول
من ذا اللي ناظلك ياعلاوي

بس ابشركم شكل اللي نظلني ماات (يسسسس يسسس يسس

)ماتشوفوني كاتب موضوع

المهم وانا ماشي بالسيارة وقاعد اسمع خديجة الوعل واسمع بعض هالمتصلين التحفة
قالت خديجة فاصل غنائي وراجعين بروؤوؤوؤوب

وجابوا هاذيك الطقاقة اللي عليها صوووت تخلي الشايب يربط الغترة على خصره ويقوم يهز

وانا تراودني الافكار وافكر وافكر

ويطري على بالي سؤال
س/ متى البابا والماما

بيقدرون معاناتي ويخلوني ارقص بعرسي

؟

هاااااااااه استح ياعليان وش ترقص بعرسك صااااحي انت مهوب انت اللي ترقص

بس خلوا عنكم هالطقاقة تهيض ولاسمعت سواليف الحريم هالي لاراحو العرس طلعوا كل السعرات الحرارية والطاقة الكامنة اللي فيهم بالرقص وشهو السبب

وحنا على دحة او دبكة اوخبيتي او على مزعل فرحان

نتهيض وتطلع فينا اووم السكن

مع ان هالطقاقات واغانيهم احلى واجمل واقدع من اغاني ميحد حمد

فتخيل بس مجرد تخيل اني دخلت عرس بالصالة والطقاقة قدامي وش راح اسوووي

اتوقع اني راح يغمى علي من الرقص

مو بس انا ممكن كثير غيري مايتحمل هالطق والاغاني والتهييض

كم مرة سمعت اخوان العروس رقصوا بعرس اختهم

وماينلامون والله

اذكر مرة واحد من اخوياي شمالي يسألني قال سمعت ان في بعض الناس يرقصون بعرس اخواتهم كيف ؟

قلت له عااادي جدا يدخلون باخر العرس عقب مايتعشون الرجال ويهجون ومايبقى الا المقربون وعلى اخر العرس يدخلون اقارب العروس ويطلعون حرتهم

قال وش ذا الحتسي انزلع عني تسيف ذا الحتسي ياويحيي بس

ويحكي لي سالفة حصلت معه
يقوول
مرة جاهم ضيف من حائل يوم جا الخرج وشاف العروس كيف انهببببل

قال تسيف يحضرون اهل العروس ومستانسين بعد
مستانسين ان بنتهم الليلة ........... (طبعا يقصد مايحدث بليلة الدخلة)

يقلي ان احد القبائل بالشمال هاذي عوايدهم مايحضرون عرس بناتهم (العهدة عالراوي )

طبعا انا ابي ارائكم
1- هل بترقص بعرسك او بعرس اختك ؟ (ويمكن تخلي السؤال بالماضي اهم شي تجاوب )
2-مارايك باللي يرقص باالعرس ؟
3-مارايك بدخول المعرس على العروس بالعرس؟
4- من هي احسن طقاقة

؟

لاتحرمونا لبى قلوبكم من ردودكم
وش رايكم بالالوان