أخوي الغالي نايف ,,,
ايه عاداتي .... ليه أنت تخبر يطلع من شيء غير الإثاره ؟؟
,,,
مشكور ياغالي على ردك ... وتحياتي لك ,,,
أخوي الغالي ومشرفنا الأولاني ,,,
ماشاء الله عليك , موسوعة أفلام أجنبيه
.... زي العراب مافي , لكن تدري إن الجزء الأول من أجزاء العراب الثلاثه أختير أفضل فيلم " ملون " في تاريخ السينما الأمريكيه ;) ... والثالث على مستوى جميع الأفلام ( يعني اللي قبله كانت بالأبيض والأسود )
وكان الفيلم الأول إسمه " ستيزن كين " أو المواطن كين ,,,
ماتريكس فيلم " أخذ عقلي " من أو ماشفته
.... فيه طرق تصوير في حياتي ماشفتها .... صحيح مافي " حبكه " للفيلم وماله قصه واضحه وحلوه , لكن مؤثراته وزوايا تصوير المشاهد فيه ماقد شفتها في أي فيلم " آكشن " في حياتي ,,,
مشكور على ردك .... وتحياتي لك ,,,
أخوي الغالي الإعصار ,,,
صحيح كلامك ياغالي المؤثرات في فيلم " عودة المومياء " رائعه , وهو مخصص حسب تقييمهم لمافوق 13 سنه
,,,
مشكور على ردك .... وتحياتي لك ,,,
أخوي الغالي أبو سليمان ,,,
تسلم أنت على ردك وتشريفك ياذوق وعسى الله مايحرمنا منك ,,,
تحياتي لك ,,,
أخوي الغالي آه ياهلال ,,,
والله ماعندنا " رقم " شاغر لملازم , فيه زي ماقلتلك جندي " حاف " والرقم تابع لمنفذ " الطوال " على الحدود السعوديه اليمنيه بعد ... تبيه ولا نشوف غيرك ؟؟
,,,
مشكور ياغالي على ردك وتشريفك ... وتحياتي لك ,,,
أخوي الغالي عاشق النمر ,,,
هههههههههههههههههه أجل علي خدمات ماتدري وش تبي !! الله يرجك , تصدق عاد إني حتى أنا اسأل نفسي هذا السؤال دايم
,,,
ترانا أعطيناك وجه المره هذي .... إنقلع
,,,
أخوي الغالي الذيب ,,,
تسلم ياذوق على كلامك وهذا بس من حلاوة عيونك ;) ,,,
كل أفلامي ماعليها كلام ... ولو إني بالفتره الأخيره تعبت شوي نتيجة لإلحاح المنتجين علي وكثرة طلباتهم ;) ,,,
مشكور على ردك .... وتحياتي لك ,,,
أخوي الغالي J.A.J ,,,
هذا لينك للغالي موسوس كتب فيه أحدث الأفلام الأمريكيه :
الله يوسوس بك ياموسوس ... مالقيت إلا هالإسم
الموضه الحين هي الأفلام اللي تعتمد على العاب الفيديو " الفيديو قيم " أو الأتاري
وفاينال فانتازي نزل منها على السوني حسب علمي 9 أجزاء وشيء طبيعي تكون لها شعبيه كبيره تماما مثل حال " تومب رايدر " كلعبة موجوده على أجهزة الألعاب ,,,
الأجزاء الثانيه من الأفلام بدت بالظهور في هذا الصيف ... مثل فيلم سكيري موفي 2 ;) ... وفيلم دوكتر دوليتل 2 أو " الدكتور دوليتل " ..... وفيلم راش أور 2 أو ساعة الذروه بطولة جاكي تشان وكريس تاكر .... وفيلم " أمريكان باي 2 " أو الفطيره الأمريكيه واللي حقق جزئه الأول جوائز كثيره في العام الماضي ... وفيه فيلم لممثل أعتقد إن الجميع راح ياخذ أفلامه من دون نقاش وهو روبيرت دي نيرو وهو بعنوان The Score .... أما أكبر الأفلام وأعلاها إيرادا هذا الصيف " كما هو متوقع " فراح يكون الجزء الثالث من سلسلة افلام الحديقه الجوراسيه " جوراسيك بارك " وهو فيلم الديناصورات الأشهر في عالم السينما ,,,
تحياتي لك ,,,
إختي الغاليه هلاله ,,,
فيلمي الجديد
يعرض حاليا في صالات السينما وحقق إيرادات حتى الآن بلغت 36 مليون دولار , إذا كنت تقصدين بنزوله عندنا في محلات الفيديو فهذا الشيء إلى الآن ماحصل , وشيء طبيعي مايكون له تاريخ محدد لإن الفيلم ماينزل على أشرطه الفيديو إلا بعد مايتوقف عرضه في صالات السينما , وهذا الأمر يعتمد بشكل أساسي على مدى الإقبال الجماهيري على أي فيلم ,,,
وأي خدمه ثانيه حنا حاضرين وتحت أمرك ,,,
تحياتي لك ,,,
أخوي الغالي أبو هند ,,,
سمعت " والعهده على الراوي " أن سلمى الحايك شايفتلها شوفه هاليومين .... الحق عمرك قبل لاتطير الطيور بأرزاقها
,,,
من ناحية إن فيلم سلفستر يبي يكون الأروع , فهذي مايبيلها كلام , وأنت قد خبرتني غير كذا !! ;) ,,,
مشكور على ردك .... وتحياتي لك ,,,
( تم التعديل بعد إضافات الغالي المحتار للموضع )
,,,
