مبروك مانشستراويه , مبروك ارسناليه , هاردلكم ليفربوليه وتشلساويه في كل مره نشوف فيها المان محقق الثلاث نقاط نلاقي تشكيك بأحقية المان بها , طيب ياعزيزي انتم تقولون ان البلنتي اثر على الليفر ؟؟ وانتم متقدمين علينا , بقولها بصريح العباره فريقكم فريق كبير واعتقد ان الفرق الكبيره مو نوعية الفرق اللي تتأثر ببلنتي في الدقيقه العاشره من بداية المباراه , عندك وقت تعدل الامور وبأمكانك الفوز 80 دقيقه , لكن مو مشكلة مانشستر اذا فريقك مستواه سيء وماعنده اي شي يقدمه وذا الشي معروف صار ان الليفر سيء هالموسم ومافي احد ينكر هالشي , مانشستر استحق الفوز , صح ان المباراه تكيتكيه بحته , ولكن السير تغلب على الليفر وتكتيكه العقيم , مع احترامي لمدربكم , فـ اتمنى اذا اي احد يبي يتكلم عن التحكيم يسرد لنا ارقام واحصائيات وتعليقات من خبراء تحكيم , لايجي هنا ويقول لو ابي اسرد لك اسرد , معليش اغلب كلامكم عالفاضي تكتبونه بدون دلائل , انا انتظر الحالات التحكيميه اللي تقولون عنها , وبدلائل , لاتكتبت لي تقديرك للحاله , لأنك منت اعلم من خبراء التحكيم , لو قريتها بقدر اناقش لكن بدونها اعتقد النقاش بدون فايده , لو كان النقاش عن لاعب وعن فريق ممكن اناقش لانها اراء , لكن على تحكيم اعتقد لا انا ولاانتم حافظين قوانين التحكيم كامله , في كل استديو نلقى هالكلام منكم ونظل ساكتين لكن هالمره انا عندي استعداد اناقشكم لنهاية الدوري لما اشوف الدلائل ..

ونقطه اخيـره ياليت ياشباب ان النقاش حقكم مايسبب حزازيات بينكم وبالنهايه هي كوره , لاراحت ولا جت ,

موفقين