بسم الله الرحمن الرحيم ..

حبايبناا الزعماء .. وشلونكم وعساكم مرتاحين ..

طبعا مثلكم عارفين الأربعاء بإذن الله مباراة الهلال والأهلي الإماراتي اسيويا ..
وجمهور كبير مثل جمهور الهلال ان شاء الله ما يحتاج دعوة ..

يعني نبي نحطم الرقم القياسي بالحظور ..

انا بإذن الله يوم الأربعاء ماشي من الرس الى الملعب مباشرة ومعي 4 اشخاص .. واللبس طبعا لازم يكون تيشيرت رادوي

هذا بالنسبه للحظور ..

النقطه الثانيه .. تكفوون يا عيال .. الدخان فكونا منه ..
يعني انا عارف وضعكم ولا راح اقول لا تدخنون .. لكن راعوا مشاعرنا ..
اقسم بالله كذا نكره الحظور للمباريات .. وانا اجزم ان فيه نسبه كبيره من الجماهير ما تحظر علشان الدخان ..

النقطه الثالثه ..
ما نبي حظور بس يا شبااب .. نبي حظور وتشجيع .. نبي تفاعل مع جميع اللاعبين .. تكفون اضغطوا على انفسكم بس 90 دقيقه لعيون الهلال ..

النقطه الأخيره .. الصلاة يا شباب ..
يعني اللي مسافر اول ما يذن المغرب يطلع يصلي مغرب وعشاء .. واللي من اهل الرياض .. اذا اذن المغرب يصلي المغرب واذا اذن العشاء يصلي العشاء ..
لا تأجلون تكفوون الصلاة الى بعد المباراة .. اهم شي الصلاة ..
ومكانك ان شاء الله ما يروح .. اذا كنتو مجموعه .. نصكم يطلعون يصلون والنص الثاني يحجزون المكان .. ولو جاي لحالك .. مافيها شي قل للي جنبك الله لا يهينك احجز مكاني ابصلي وأجي ..


بالتوفيق للهلال