انا مع وجود اللاعب الاجنبي بس بشرط انه تكون فيه فتره مخصصه للتسجيل وتكون فترتين في بداية الموسم وفيه وسطه وبعدها ما يجي اي لاعب مهما صار مو زي الي شفنا مع الاتحاد جى اللاعب لعب شوط واحد وخلاص عشان ديمبا مصاب اصابه مستديمه خلاص اذا اصيب ما تقدر تجيب غيره
المعترض انا اخالفك الرأي في بعض اللاعبين
سياسيا كان اساسي في المنتخب النيجيري و في نانت الفرنسي وشفت له مباريات
بيبتو الاتحاد اذا ما كنت تعرفه فهاذي مصيبه فاز بكأس العالم 94 ولعب في كأس العالم 98 يعني لاعب عالمي بس ما فشل وهي مو صفقه مضحكه
حتى تيجاني بابانجيدا ايضا اساسي مع نيجيريا وشارك في كأس العالم وكان محترف في اياكس الهولندي على ما اعتقد والله نسيت مع مين بس كان محترف في اوروبا
وبعدين انا اشوفك معجب كثير بفرانكي ما ادري اذا صار بكرا في الفريق الاول وصار نكبه ابي اشوف ردة فعلك
بعدين فيه صفقات نجحت في السعوديه والدليل شوف اللاعبين الي اتجهوا بعد السعوديه على اروبا وخاصه العرب
منهم بصير وكماتشو وكان في الهلال لاعب اسمه ريفالينو اذا تذكره هل صفقه فاشله ؟؟؟
لاعب لعب مع بيليه تدري وش كان يسوي ريفالينو فضايح اكثر من الي سواها سيفو ما ادري ليه الجماهير ما قالت عنه مصارع
مره في مباراة الهلال والاتحاد ترك اللعب وقام يلحق سعيد غراب وكل العالم تناظرهم هذا وهو فاز مع البرازيل في كأس العالم ومره شفته سوى حركه في لاعب اتحادي ما انساها وعندي شريط المباراة سوى كأنه بيشوت الكوره والكوره كانت في الارض وشات وجه اللاعب الاتحادي ومافي احد قال عنه مصارع بس انا شفت انك قلت انهم يلغونه عشان الهلال يجيب اسوءهم هاذي مشكله في ادارتنا ومفروض ما نعاقب كل الانديه عشان الهلال جاب اسوئهم
هو الحقيقه لو نستفيد من اللاعبين الاجانب يكون افضل يعني نجيب لاعبين صغار ونطور مستوياتهم وبعدين نبيع عقودهم هاذي نحل فيها مشكلة الموارد الماليه
وآسف على الاطاله