.






.





.


السلام عليكم ورحمة الله وبركاته ,


كيف حالكم ؟ , والله مشتاق لكم موووووت والله إنكم وحشتوني ومهوب على كيفي هالغياب وودي إني كل يوم معكم وكل يوم موضوع لكن ظروف تحكم الواحد ومايقدر يسوي شيء , أجي وأناظركم وأمشي مثلي مثل زائر, لكن ماقدرت أصبر وحبيت أنزل شيء جديد و متواضع وأتمنى إنه ينال إعجابكم , وأشياء بسيطة لكن مهوب حقكم ذا <<< إنقلبت الدعوة مفطح وعزيمة ههههههههههههههه .


.





.


اليوم جآإأإيب لكم صور متنوعة مابين رياضة وتراث وسيارات وشخصيات وفكاهية
طبعاً كل صورة تحكي عن شيء معين وحاط الكلمات المناسبة لها , وإن شاء الله أكون وصلّت الفكرة ,التصميم والتصوير تعلّمته عشان أعبر عما في خاطري من أمور كثيرة , لا أحد يقول لي حب وغرام <<< كلنا نحب ترى خخخخخخخخ , مثل الرسام و الشاعر كلهم يرسمون لوحات فنية جميلة وفيها تعابير كثيرة

ماودي أطول عليكم يا أحلى ناس بالدنيا .




,



[ الصـــور والكلمات ] /


[ وقفت على بابك ]



وقفت على بابك
ولملمت ماتبقى في داخلي من مشاعر إتجاهك
قلت يمكن يجي يوم وترجع لي وتوقف ببابي مثل ماوقفت ببابك
كنت احسب اني يوم عرفتك
بعيش بسعاده وانسى حزني والكئآبه
لكن زاد همي وقلبي كل يوم يزيد عذابه
كل ماقرب منك واقول خلص قلبي حقق مراده
فجاءه تتغير علي وتبعدوتطول المسافه
انا بنتظرك وبصبر مهما طال إنتظاري

ModeL : AZOZ

.................................................................................................... ....................


[ بلا عنوان ]



لم أجد العنوان المناسب لها , لأن أغلب العناوين التي في ذاكرتي قد إستعملت من قبل


.................................................................................................... ....................

[ اكثرمن اللي صارلي ويش يجرى

بين الرجاوالياس فكري تعلّقت ]

الدقة في الصورة كانت زفت لأن كمية الضوء كانت قليلة ومكان الكاميرا كان بعيد شوي !

لاتنشغل فيني أنابحالي ادرى	قلبٍ تعلّق فيك ينسى مع الوقت
اكثرمن اللي صارلي ويش يجرى	بين الرجاوالياس فكري تعلّقت
مثلي ولوشفته عن همومه ازرى	ماقال ليتك في جروحه ترافقت
هاك القصايد لاتضايقت واقرى	شف وشكثرفيها لبسماتك اشتقت
أثرالوفا ينباع عندك ويشرى	ماكنت اصدق فيك واليوم صدّقت
يامشتهي فرقا المواليف حذرى	تبعد وأنا من سكرة الحب مافقت
لاطافت الفرصه تحريت الاخرى	وتروح ماكني عليها تشوقت
ساري لو إن الليل مافيه قمرى	اشيل من حمل الهوى فوق ماطقت
لاصارحظ أقشروالايام قشرى	مافيه احد عاقل يلومك إلياضقت
صحيح بعض الناس فرقاه بشرى	وبعض البشرلاغاب ليله تضايقت
ليتك خذيت بليل الاحباب مسرى	غربت من كثر الطواري وشرّقت
السيل يبقاله على القاع مجرى	ويبقالك التذكارلوكنت فارقت
اشوف لك من وين مارحت ذكرى	ولاشفتها صديت عنها ودنقت
ماكل جرحٍ لاخذا أيام يبرى	بعض الجروح يزيد شره مع الوقت

ModeL : MaLik74


.................................................................................................... ....................


[ تعب قلبي من الطيبه تعبت وتعبـت ايدينـي,انا وش لي علي ناس ٍتصد وتجرح احساسي ]



كفاني من عنا غيري اضوق وضيقتـي فينـي
خسى منهو يضيق خاطري لو كان اعز ناسي
تعب قلبي من الطيبه تعبت وتعبـت ايدينـي
انا وش لي علي ناسن تصد وتجرح احساسي
ابشرح قصة احوالي وعتمة ماضي سنينـي
وابشرح قصة الخافق وحبن يعلـن افلاسـي
نعم هاك الزمان اللي بديتـه هـم ياعينـي
بديته هم مع ناسن عديمـة ذوق وانجاسـي
نعم دار الزمن وقته وصـار العـز يكفينـي
كسبت العز مع نفسي نسيت اللي ثقل ناسـي
كرامه ترسم البسمه وصارت لي عناوينـي
تعلمني الوفا كيفه تثـور ابكـل هواجيسـي
بعد كل الكدر زانت حياتـي والفـرح فينـي
وانا لي عزتن ترقا علي منهو علي قاسـي

ModeL : MaLik74


.................................................................................................... ....................


[ أصدقاء ]



طبعاً الإبتسامات لا أحد يشرهه عليها لأنها تسليك هههههه , الأشخاص من اليسار شقيقي / تميمو , ابن عمتو / علي , ابن عمتو / جوج ( أبوعبدالله ) .


.................................................................................................... ....................


[ علي والرومانسية : ) ]



طبعاً هالصورة شاطحة من بين الصور وحبيت أغير الجو شوي لأن اغلب الصورة حزينة وتضيق الصدر هههههههههه فلا بد من التنويع أما قصة هالصورة فهذي هي :
قال لي علي اللي هو على يسار الصورة لازم تنزل لي صورة في معرضك قلت مافيه مشكلة قبل فترة طبعا هالكلام وسلّكت له , جاني ثاني مرره قال لازم أشوف صورة لي بالفلكر (عشان عيال عمتي منزل لهم صور فهو يبي يصير مثلهم), والحين بسوي حركه ونزلها قلت طيب ,والحمدلله جيت بصورة فكاهية جميلة متواضعة .


.................................................................................................... ....................


[ وشلۈنْ مآ أغليك وآنْتَ آلذي علمتَنْي حبك ]



وشـــــلــــون مـــــــــا اغـــلـــيــك
وأنــــت الــــذي عـلـمـتـني حــبـك
يــــا هــاجـسـي عــشـقـي عـيـونـك
إســــــــأل وتـــلــقــى الــــجـــواب
فـــــــــي نـــــاظــــر عـــيـــونـــي
تـــصــويــر لآجـــمـــل عــــــذاب
حـــــبـــــك يـــــــــا مـــفــتــونــي
تـلـقـي حـيـاتـي كـلـهـا لــذة غــرام
مـــهـــمـــا ســــهــــر طــــرفــــي
أو جــــــــــــارت ظــــــروفــــــي
أو عــــشـــت أنـــــــا الــحــرمــان
تـلـقـى حـيـاتـي كـلـهـا لــذه غــرام
يــا عــذب الـصفات يـا كـل الـحياة
صـــبــرك عـــلــي هـــــذا قــلـيـل
مــهـمـا تــــرى مــــن تـضـحـيـات
هذا قليل خل السهر لعيون من حبك
خـل الـعيون الـلي لـها عشقي تبات

ModeL:JoooJ

.................................................................................................... ....................


[ كــفاك غرور ~]



كفاك .. غرور
سقاني صوتك البارح .. مرار الحزن والترحال
صحيح ان البحر مالح .. ولكن العطش قتال
سألتك يا ظماي .. أمطار

ModeL : MaLik74

.................................................................................................... ....................


[ هلاليات ]



إرفع رآإأسك أنت هلالي , هالصورة إهداء خآإأإص لكل هلالي زائر أو عضو أو مشرف أو إداري


[ Thiago Neves 7 ]



اللاعب المبدع / تياقو نيفيز .

.................................................................................................... ....................

* معنى كلمة موديل / يعني الشخص الموجود بالصورة فلان الفلاني .

* تنبيه / أما عن الصور بعضها طبيعية ( يعني بدون معالجة ) وبعضها معالجة بسيطة لا أحد يقول لي إنك تعتمد ع الفوتو كل المصورين بالدنيا يحتاجون للمعالجة بالفوتو لأنه يزيد الصورة جمال وذوق فني آخر .



.




.





.


وفي النهاية أتمنى من الله أن قد نالت إعجابكم ووصلت إلى ذائقتكم العذبة , وأشكركم جميعاً على المتابعة ولا تحرمونا من متابعتكم أشكركم من أعماق قلبي


أخوكم / مالك العنقري


.


والسلام مسك الختام