إقتباس الرسالة الأصلية كتبت بواسطة زعـيــمــون بصراحه بستغل مساحة الرد هاذي لابدي وجهة نظري في موضوع حسن العتيبي بدال فتح موضوع بصراحه اعجبني كلام عبدالله بن مساعد عن حق حسن العتيبي في البحث عن مصلحته والي زعلني اغلب الجماهير زعلانه من حسن العتيبي !! اليسا من حق حسن العتيبي البحث عن مصلحته كما يبحث الهلال عن مصلحته وهذا حق مشروع لطرفرين لذالك اتمنى من جماهير الهلال اذا كانت محترفه ومؤمنه باالاحتراف وهذا ما اعتقده ان تقدم الاحتراف على العاطفه لاني سمعت كثير كلمت يساوم النادي الموضوع ومافيه مفاوضه وبحث عن الافضل خصوصا ان عمر اللاعب في الملاعب قصير وهذا ما ذكره الاستثماري الاول في النادي وشكرا على مجهودكم سبحان الله وبحمده سبحان الله العظيم

هلا أخوي زعيمون...
أنا أتفق معك على جزئية أنه حنا الأن في عالم الأحتراف وكل لاعب يدور على مصلحته في المقام الأول.
ولاكن ما أتفق معك بأن الجماهير بدت تقول يساوم ومن هالحكي ! لا حبيبي.

الحكي هذا المفروض ينقال لحسن العتيبي (بأن حنا في عالم الأحتراف, والشغله عرض وطلب) عجبك العرض المقدم من الهلال تمام! إذا ماعجبك الوجه من الوجه أبيض والله يوفقك!.. بس حسن الله يهديه والجميع لاجئ للأعلام وتأجيج الموضوع ! وهو إلي بدا يقارن ويساوم بينه وبين زملائه الاعبين ! وهو إلي يحاول يستعطف الأعلام في صالحه..

يأخي بعطيك مثال بسيط , هذا عندك فهد المفرج وعبدالعزيز الغثران.. حسو أنهم بيكونون في الأحتياط فتره طويله, ولا يبون يكملون مع الهلال على هالوضع ! يأخي طلبو إنهم يتركون النادي بكل هدوء ومنغير شوشره وتم إعطائهم إخلاء طرف وحقوقهم ! وهذاهم ماشالله عليهم مبدعين في إنديتهم , ولا جاء أحد من جمهور الهلال يذمهم أو قال يساومون الهلال !! بالعكس ! كلن دعالهم بالتوفبق ويسهل عليهم !!

يأخي يكفيك في المقابلة الأخير لحسن مع بتال, وشقال بتال ؟
قال أنا مأتصلت عليك عشان أسألك بهذا الخصوص بس حبيت أطمن عليك وإذا ماتبي تجاوب على الأسئلة لك مطلق الحريه!!

وثاني شي, مره يقول نظام الأتحاد السعودي ظلمني ومره يقول الهلال ظلمني؟!
يعني أنا مستغرب شلون ظلمك الهلال؟!.. بالعكس الهلال بيحفظ حقك وحقه في نفس الوقت.
الأدارة مسويتلك قيمة وتعاملت معك بإحترافيه ممزوجه بالعاطفه..

إذا ما يبي يكمل في الهلال عشان العرض ما عجبه, يأخي يطلب من الأدارة تنسقه أو تسريحه وتعطيه إخلاء طرف زيه زي المفرج والغثران من غير الفيلم الهندي إلي قاعد يسويه, ويتعنا ويقول بحترف خاجياً ومن هالحكي.. وصدقني إدارة الهلال إدارة ماراح ترده إذا طلب هالطلب

وأسف على الأطاله