قناص ؟ علينا خخخخخخخخخخخ
تسلم على الترييش و لكن هذا مب عذر يا صديقي
بعدين ما فيه إحراج إسأل لين تدوخ أنا معاك على طول

المستشار

س 1 / برأيك ؟! ماهو السيناريو الي يبي يحصل بمباراة ليون الأسبوع الجاي ؟! وش تتوقع ؟! وهل اذا خسرنا لاقدر الله من اشبيليه نبي نفوز ولا مالها علاقه ؟!

مباراة ليون ما أبي أحتسي عنها أبد لأني للأسف متأكد من سيناريو يرفع الضغط
سواء كنا فايزين أو منهزمين لا قدر الله
التشامبيونز بطولة مفاجآت ما لها دخل في وضعية أي فريق
سواء جا يلعب و هو في وضعيه ممتازه في الدوري المحلي أو راجعين له لعيبه مصابين
أو تحسن مستوى أكثر من لاعب يعتبرون هم صناع الفارق .. أبدا أبدا ماله علاقه ..
قدامك يا طويل العمر 90 دقيقه و الأفضل بيتأهل و بإذن الله نفرح سوا

س 2 / تشكيله تتمناها بمباراة ليون ؟! مع ضل غياب تشابي ومارسيلو بداعي البطاقات ؟!

أكيد بنلعب بتشكيله مشابهه لمبارتنا مع سرقسطه
مع دخول كاكا في التشكيله و خروج مارسيلو للإيقاف
بيكون فيه إثنين إرتكاز بيقطع المويه و الكهرباء على ليون بإذن الله
و بيعطون الأمان للفريق فيه إنه يضغط ليون في ملعبهم

س 3 / ماينقص الريال في الصيف من لاعبين ومن الاعبين الي تبي يطلعون تفتك منهم ؟!

ظهير أيسر و إرتكاز بدال غاغو لو حصل فعلا و طلع و راس حربه (لاعب صندوق)
اللي أبيهم يطلعون أكيد الثنائي (راؤول - غوتي)

س 4 / تكلم عن حفيظ ؟! ومن متى تحب تسمعه يعلق ؟! وماتلاحظ انه يخب الواحد اذا شاف مباراة بصوته اوووووووووووو اولالالالالالالالالالالالا هايله

أول ما سمعته عجزت أهضمه أحس إنه ثقيل دم و غثيث و مسوي بيجيب شي جديد
لكن في النهايه جابني على وجهي خخخخخخخ
من العام الماضي و أنا عاجبني الدراجي خصوصا لما يدخل جو المباراة
على فكره ترا هو يبدع و يتألق إذا كان رتم المباراة سريع و فيه هجمات هنا و هنا
إذا علق على مباراة مقفله تحس إنه ولا شي ..

هتلر الرياض

س1 : وش آليتك في تنسيق التقديمات

أبدا ما فيه شي جديد و شي غير عن التقديمات قبل ما يكون فيه منسق للرابطه
لكن أهم شي اكون على درايه بموعد التقديم و قبل التقديم بفتره يكون معي إتصال مع اللي بيقدم
مثلا هلالي و سيد زماني طلب مني إنه يشارك في تقديم للرابطه قبل إسبوعين
وقلت له التقديم الجاي بعد 6 جولات بس إشتغل من ألحين و بالفعل الولد شغال عليه برواقه
و يبقى له بس التقارير حقت المباريات للجوله نفسها
و ما ينزلها إلا بعد نهاية الجوله اللي قبل التقديم

كيف تختار الاعضاء وكيف تقسم التقديم وماهي عناصر العمل بشكل عام

سليم / خالد رحال / فالدانو / زيد / و حاليا فيه هلالي و سيد زماني ينظم لهم
و على فكره بدون إخيار محدد العدد مش محصور على هالأسماء
اللي يبي يشارك يرسل لي على الخاص و بيشارك
و ترا ما بقى لنا إلا ثلاث جولات اللي هي 28 و 29 و 31
طبعا أنا يكلمني سليم على وقت تنزيل التقديم على الماسنجر
و يقول ترا بينزل شيك عليه وش رايك شي زي كذا

س2 : ليش أحياناً تكون متنرفز خاصة بالمواضيع اللي تسب مدريد ؟

مش نرفزه بقد ما تكون تسلك و تسلك و تسلك في النهايه بتزبد
غير كذا حتى لو كان فيه نرفزه ما أتوقع إني أقول شي أو معلومه مغلوطه
أنا جاي أناقش الشخص الفلاني و جاي بأرد على كلامه بمصادر و دلائل مب كلام في الهوا ..

Valdano

عبدالله وش رأيك في بعض الاعضاء اللي نظامهم [ أنا أكبر منك اجل أنا افهم منك ولاتتكلم مع عضو عمره كبير لأنك ماتفهم في الكورة مثله ] العينه هذي موجوده في المنتدى , ياليت تعطينا رأيك حول هذي العينه ...

والله يا فهد واضحه جدا خخخخ
على العموم ما عندي الكثير علشان أقوله نقول الله يهديهم جميع
أو إن شاء الله يتوقفون خخخخ لأنهم جابوا لنا الحموضه صراحه


عبد الله سمعت إنك تحب الأفلام , وش الأفلام الي تحبها مصريه ولا أجنبية ولا وش . واذا كانت مصرية من ممثلك المفضل .....؟

أكيد الأفلام الأجنبيه تخيل مصريه ياخي يكفي أنت تقولها (فيلم مصري) خخخخ
ولو إن فيلم ألف مبروك لأحمد حلمي كويس
اللمبي هو المفضل لي من المصاريه


عبد الله يقولون إنك راعي مخدرات وخراب لالا حاشاك بس بسألك بخصوص المهلكات هل أنت تشيّش , وإذا إنت تشيّش وش هو معسّلك المُفضل .؟

أنا مدخن و تعرف التدخين بشراهه و كذا على المباريات < فيس يطالع فلورنتينو
الشيشه فيه نوعين (معسل و جراك)
المعسل لي يمكن أربع سنين ما شيشت إلا يوم مباراتنا مع إسبانيول الأخيره
الجراك بطل و المفضل طبعا (السندي) أما المعسل (تفاحتين)


اذكر لي 3 لعيبة يستاهلون الإحتراف في الخارج .؟

ولا واحد

رأيك في اللاعب يحيى الشهري , وكيف يتم التعامل مع موهبته بالشكل المطلوب وحمايتها من العوامل المؤثره .؟

والله كويس بس هل راح يستمر ؟ هنا الكلام
لو إستمر بيكون كلام ثاني
هي تعتمد على النادي اللي يعرف يتعامل مع هالمواهب مثل الشباب
يعين مثلا واحد من أخوياي راح مودي أخوه للشباب عمره 16 الظاهر
قالوا له ما ناخذ أكثر من 13 سنه
شي يدلك إن فيه خطط و عمل لسنوات جايه مب شغل خبط لزق

أعضاء من برى الرابطة تحب تقرى لهم كثير ..؟

ناصر سكرومن رابطة اليوفي
ما شاء الله عنده كم لا بأس به من المعلومات التاريخيه عن الكالتشيو و عن اليوفي
العضو الثاني حسين البرشلوني أتعب صراحه و أنا بمدح
تقريبا هذولي فقط ..

منهم الأعضاء اللي في الرابطة الي ماسكين نقابة [ المحاميين ] يعني الي تشوفهم دايم يدافعون عن الريال في كل موضوع .؟ وهل أنت مع دفاعهم عن الريال دايم ولا لا .؟

فالدانو / زعلوهـ / HALA MADRID / كارلوس شخصياَ / فيصل الإنتراوي
أحمد 919 / و فيه برضو مداخلات حلوه من عبود في وقتها

بالنسبه للدفاع عن الفريق ما فيه أي إشكاليه ما دامك على حق

مــانــيــاوي

أبو عابد أهم سؤال بالنسبه لي / أنت قبل خمس سنوات تقريبا كنت تشجع برشلونه وكنت متعصب لهم بعد ( أتوقع تذكر سالفتنا مع ديكو ) وانتقلت بعدها لمدريد يا ( الدون ) ممكن بس اعرف الأسباب اللي خلتك تحول ...؟

سالفة ديكو مالها علاقه في تشجيعي لبرشلونه بقدر ماكنت فصله منك عليه
أجل ما عندك أحد ههههههههه
سالفة تشجييع برشلونه كانت ثانويه بعد المانيو والإنتر و كان السبب فيها أساسا ريفالدو ..
الهياط وما أدراك مالهياط هو اللي خلاني أحول
كان عندنا واحد في الشقه يهايط ببرشلونه وهو من جنبها ولا يعرف عن الكوره
إلا أنها مدوره و مع الأيام قلبت على الفريق و رحت للمنافس اللي ما كنت متعصب ضده
لأن الدوري الإسباني في وقتها أقول لو فاز برشلونه كويس و لو ما فاز ما ضر

فقط ..


ثاني سؤال / أنا شفت لك رد على مشاركة وقلت فيها برنامجك اليومي بس ما ادري ليش جحدت البلاي ستيشن يعني أنت منت من عشاق هاللعبه ولا عشان اللي عندك خربان ( مسوي ما ادري انك واصل في ال master league لموسم 2023 )

طيب البلاي ستيشن له سنه منطول خربان علشان كذا طلع برا البرنامج خخخ

ثالث سؤال فني >>>>>> لازم نستفيد من تحليلك وحسك التكتيكي ما شاء الله عليك (وش خليت لفيرقيسون )
من وجهة نظرك ليش كاكا مو مأدي مع مدريد أو خلينا نقول مو كاكا اللي جاب لميلان التشامبيونز
تتوقع انه صار يعتمد على كريستي اللي حسبي الله على مدريد يوم خذوه مو مقصر ماخذ اللي له واللي عليه أو ان كريس مفلم لدرجه مايعطي احد فرصه يبدع معه ولو غاب كريس عن الفريق ( غياب طويل مو توقيف مباراتين ) بيقدر كاكا يشيل الحمل يعني تقدر تقول زي روني ايام كريس والحين ؟؟؟

كاكا علشان يرجع كاكا حق ميلان لازم يكون ملهم الفريق
و هذا صعب بتواجد أكثر من إسم كبير في الفريق لذلك الفريق يلعب بجماعيه
بوجود رونالدو و كاكا من عدمهم الفريق يلعب ما عنده مشاكل ..
يعني رونالدو يعطي الفريق أدفانتج إذا كان في الملعب لكن إذا ما لعب ما عندنا مشاكل
برضو نفس الشي لكاكا هذا غير إن كاكا مع ميلان الكل كان يمررله
و تلقى كاكا هو المهاجم و صانع اللعب و الجناح و الخطه مبنيه عليه
لكن في مدريد الوضع إختلف بلجريني يلعب بأي 11 لاعب جاهز و البديل موجود ..

حياك يبو ديكو ههههههههه


الجوكر سابقا

- وش هي أكلاتك المفضلـة ؟ وهل تحب الوجبات السريعة ؟

المفضله طبعا المندي و حبذا يكون لحم
و الوجبات السريعه ضروري كل يوم نمر عليها

- نوع سيارتك ومديلهـا ؟

سيارتي أوريون 2007

- برايك من هو أسطورة كرة القدم " مارادونـا - بيليـه " ولا في لاعب آخـر ؟

كلهم ما شفتهم من بداية مشوارهم كل اللي لحقنا عليه فيديو
و هدف باليد و هدف مسخره من نص الملعب

أتوقع إن اللاعب اللي بنظري يستحق كلمة إسطوره هو زين الدين زيدان

- تفضل قدوم نافـاس ولا ريبري ؟

كلهم أبطال اللي يجي منهم بيبدع ولو إني أميل لريبري لكن الخوف من الإصابات

- لاعب تتمنى أنه لعب لـ الريال ؟

زولا

حياك دايمن



M A D R I D

وش شعورك يوم شفت اسم يزيد " هتلر الرياض " ملزوق في الشال اللي صمموه الشباب لنا ؟

هههههههههههههههههه
لا تعليق و كلنا سمع و طاعه للريس
< بس من جد وش اللي تكتب إسمك يا حبيبي

برب نوووووووووووووووووووم بكره الوعد