هذا رد ابنتي حفظها الله

إقتباس تراني سرقت اليوزر دقايق بس .. يـــــــا إلـــهي .. أماه .. احس ان وجهي لا ينتشل من الارض ! أول شي : عمتم مساااءاا يا زعيمات الأرض .. ! > انحياز واضح .. ثاني شي : و الله اني اسمع عنكن كل خير و حسن .. و أمي دائما تمدح أخلاقكن العالية .. ثالث شي : انتهينا كلام رسمي و نجي للكلام المفيد .. انا لست من متتبعي صيحات الموضه ! و بصراحة شغلات البنات و حركات الملابس الكيوت ما تمشي معي ابد .. اما بالنسبة لسالفة الهدية .. فيقال باللغة الافرنجية عافانا الله و اياكم من هلوساتهم : there is two sides for every story ! بمعنى اسمعوا النسخة الثانية من القصة > فشل ذريع في الترجمة سلمكن الله - الهدية كانت عطر ! و العطر مو كل خشم يجوز له الريحة .. فجزاني الله الف خير و كثر الله خيري و طول بعمري اني ابديت اعجابي الشديد بالهدية .. و ماما الله يحفظها ما لمحتني و انا اضم زوجة اخوي .. على الرغم انو العطر ما خش مخيخي و ابد ما اعجبني الا اني شكرتهم شكرا لم يشكر و لن يشكر من بعدي بتاتا البتة.. اللي خلاني اتطفل على يوزر امي هو اني حبيت ابين للقراء نقطة مهمة جدا.. شيل من مخك تهدي احد عطر .. يختي فلوس العطر كم ؟ 350 ؟ 400 ؟ اصرفيها خمسينات و لفي كل وحدة بشريطة و حطيها في بوكس مع تشوكوليت و انا افضل من بوب لارس بما انه لذيذ و مو منتشر زي باتشي .. و عطيه لهالشخص .. تقول لا صعبة احد اهديه فلوس ! ياخي موب لازم عطر ! بهالفلوس .. احجزي بمطعم حلو .. و يا كثرهم المطاعم الحلوة بالبلد .. و اتفقي معهم بالاخير يجيبون كيكة و يكون مكتوب عليها كلام بهالمناسبة و انا افضل يرفق مع الكيكة شمعات .. مرة يااااااي لما تظلم الغرفة و الشمعات بوجهك .. ماما تذكرين يوم نروح نحتفل بالشسمه في افوكادو ؟ تذكرين شلون انهبلت على حركات الورد و الكيك و كيف قعدت مثل المشفوحة اصور .. ؟ و اذا لازم يعني هدية .. فانا اقترح انو تشتري حلق او سوارة من ماركات عالمية مثل : Dior;chanel..etc و تراها مو غالية .. يعني ممكن تلقين شي مرة كويس و مرة ناعم و ما يتعدى الـ 1000 ريال .. يعني اتوقع البنت تحب ترز شي عليه اسم ماركة عالمية .. او اذا مرة تبين شي مميز .. اطلبي من الانترنت .. فيه موقع saks fifth اطلبي من هناك , فيه اشياء مرة كشخة و مو متوفرة بالسعودية الحبيبة .. اطلبيها و سعرها مرة كويس و اذا تبين مثال على ماركة حلوة و غريبة فيه marc by marc jacobs يعرض لك اكسسوريز شبابية و مو غالية بتاتا .. احس انو قلبنا الموضوع فاشن .. طبعا الاسئلة اللي طرحتها الوالدة .. جاوبت عليها بيني و بينها Meme يا عمري مرة شكرا على اقتراحاتك .. يا خسارة لو اني ما شفت الموضوع كنت خليت امي تفاجأني بوحدة من اقتراحاتك و اللي يا ماما افضل انك تسوينها بسرعة و خصوصا النظارات الشمسية لانو الصيف بيدخل و الشمس بتتدلع علينا .. > امي بتقول ليتها ما قرت الموضوع Bottom Line is : 1-تراني موب متطلبة و لانيب عديمة المشاعر .. انا اقدر الهدية .. بس تكون معقولة .. حتى لو حلاو مصاص .. و الله انه ساعات يوسع الصدر .. 2- اللي بيفكر يهدي .. يستشير أحد يكون بعمر المهدى إليه .. أفضل .. 3- لا اسمع ان وحدة منكم اهدت احد عطر .. ترا بسوي حزب يمنع هالشي .. 4- امي الحبيبة .. شكرا شكرا شكرا شكرا على هداياك المعنوية و المادية .. و أعدك أن أستمر بتحقيق أحلامك .. و سأرفع رأسك عاليا بإذن الله .. أحبك يا ضحى سماءي و عمري و جنبات روحي .. أحبك حتى تنتهي المسافات .. أحبك حتى الرمق الأخير .. 5- ودي أسولف زيادة بس أشم ريحة فنجان قهوة ماشي مليووووون باتجاه راسي .. تــحــايـــاتي للزعيماااااااااااااات .. و لا تخلون العيال يغلبونكن .. best wishes gilzz .. hope we meet later .. ^^ bye bye p.s : استروا ما واجهتوا و تكفون لا تحكمون ع الام من بنتها .. تراها تعاني مني رجاءا ادعولي بالصلاح و الهداية و النصر و التمكين و الرفعة و كل شي حلو ..

سأرد على بقية الأخوة المشاركين بعد قليل