طيب الحين نجي للسؤال الأهم واللي يشتكي منه الكثيييير وهو أساس الموضوع

يقول لك أنا شريت بطاريه تقعد 4 ساعات .. بس إنها ماتقعد معي إلا ساعه بس
وتخلص .. وين المشكله؟! .. أرشديني يا فوزيه الدريع

المشكله هي قيامك بفعل أشياء تستهلك من البطاريه كثير .. والنقاط التاليه
توضح الطريقه الصحيحه في استخدام البطاريه " الفقره هذي مهمه جداً
وتطبيقها يطيل عمر البطاريه ( شخصياً يوم طبقتها صارت بطاريتي تقعد
ساعتين ونصف بعد ماكانت تقعد ساعه وربع ! )





[ 1 ]

الخلفية

ألوان الخلفية الفاتحة والفاقعة تستهلك كثير من البطارية لأنها تاخذ أكبر
قدر من الألوان والبكسل ، حتى الخلفيات المتحركة واللي فيها تصاميم
تحتوي على ألوان فاقعة ورسوم كثيرة ، هذي تستهلك برضه!
بالعربي يفضل إن خلفيتك يكون لونها غامق وبدون صوره يعني
إقلب جهازك عزاء





[ 2 ]

سطوع الشاشة

ومعروف إنه كلما زاد السطوع زاد الاستهلاك للبطارية ، لذلك يفضل
التقليل من السطوع وطريقتها إنك تضغط زر fn مع زر f6 وطبعا
تختلف من جهاز لآخر بس المهم إنك تضغط زر fn + زر مرسوم
عليه شمس وسهم لأسفل






[ 3 ]

تشغيل عدة برامج

المستخدم اللي يفتح ثلاثة برامج وكم صفحة النت ، وفاتح الماسنجر
يبربر ولعبة يدهر عليها وملف صوتي يسمعه وبعد كل هذا يقول ليه
بطاريتي خلصت بسرعه؟!
خلصت لأنك استهلكت البطاريه كثيييير ، برضه إذا كنت شابك هارديسك
خارجي أو فلاش - طابعه - ماسح ضوئي - سي دي ، المقصود أي
جهاز خارجي مشبوك مع جهازك بيستهلك من البطاريه .





[ 4 ]

عملية إغلاق جهاز الكمبيوتر تستهلك بطارية!!

الحين إذا قفلنا الجوال وجينا فتحناه عقب ، نلاحظ إن البطارية نقصت!
الشي هذا موجود حتى في اللاب توب ، لأن استهلاك الطاقه مايوقف
توقف تام ، طيب كيف أحل هالمشكله وأخلي الاستهلاك يوقف بمجرد
إيقاف التشغيل؟!

الحل : إبدأ > تشغيل > نكتب " regedit " > بيفتح لنا نافذة محرر
التسجيل وفيها خمس مجلدات > نفتح المجلدات التالية بالترتيب :

HEKY-CURRENT-USER
Control Panel
desktop

بعد مانختار الأخيرة بيفتح لنا في الجهه الثانية " على اليسار " عدة
ملفات ، نبحث عن ملف اسمه " power off active " ، نضغط عليه
باليمين : ونختار تعديل ، نغير القيمه الموجوده من زيرو إلى واحد
بعدين موافق
وبعد كذا بنلاحظ إن البطاريه تصير محفوظه ولا تنقص بعد الإغلاق.




[ 5 ]

البرامج اللي تكون تحت عند الساعه وتكون مفتوحه ، هذي تستهلك
من البطارية لذا يفضل إغلاقها عند عدم الحاجة إليها .




[ 6 ]

المواصفات

طبعاً كل شي زين له ضريبه ، وضريبة المواصفات الزينة للجهاز هي
استهلاكها الشديد للبطاريه ، والمواصفات يقصد بها مواصفات الهارديسك
والذاكره والمعالج .





[ 7 ]

الواير لس
الأشياء السابقه ممكن تكون معروفه لكن اللي استغربته وكان يقوله
( المهندس إسلام عبد الحميد في برنامج حياة تك ) إن البلوتوث
يستهلك من البطاريه ، لأنه يشتغل على الواير لس ويظل طوال
الوقت يبحث عن أجهزه حوله ، لذا ينصح إنك تقفل البلوتوث بعد
ماتستخدمه على طول .





[ 8 ]

الحرارة

الحراره من ألد أعداء البطارية ! ، لأنها تتلف وحدات الليثيوم ،
لو كنت شايل بطاريتك يشترط إنك تحفظها في مكان درجة حرارته
معتدله ، طبعا حرارة الجهاز ما تأثر لأن البطارية مصممه على إنها
تتحملها لكن الحراره الخارجيه تأثر بشكل كبير .






طيب كيف تزيد حرارة البطارية؟!








في الصورة شرح التركيب الداخلي لبطارية الليثيوم ،
والخضراء هي الخلايا ،
والشي اللي فوق الخلايا " يرمز له بالحرف A " هذا يسمى مجس
كهربائي وهو له وظيفه مهمه جداً وهي مراقبة حرارة البطارية !
مثلاً لو تركت جهازك في السياره وتعرضت البطاريه لحراره شديده
وجيت تشغل الجهاز بعد فتره ، بتلاحظ إن الجهاز ماينفتح على طول ،
يقعد فتره بعدين ينفتح ، والسبب إن المجس الكهربائي في حالة تعرض
البطاريه للحراره يمنع تشغيل الجهاز عشان ماتزيد حرارة البطاريه ،
ولا يسمح بتشغيل الجهاز إلا بعد مايبرّد البطاريه لأن لو شغّله ممكن
تتعرض البطاريه للانفجار!





طيب كيف تنفجر البطاريه؟!





هذي الصورة فيها شرح تركيب خلية واحدة ، الخلية حولها
ثلاثة رقائق :

الالكترود الموجب - العازل - الالكترود السالب ، وكل هالرقائق
مغموره في سائل اسمه الايثر .

طيب الحين نشرح كيف تحترق البطارية ، العازل اللي موجود
في الخلية شغلته إنه يعزل الالكترود الموجب عن السالب ،
الحين لو زادت حرارة البطارية بيشتعل الايثر وإذا اشتعل
بيحترق العازل وطبعا إذا احترق بيتلاقى الالكترود الموجب مع
السالب وتلاقيهم ينتج عنه حراره هائله جداً تحرق الخليه كلها
والنار الناتجه عن حرق هالخليه الواحده بتحرق كل الخلايا
المجاوره وبالتالي تنفجر كل البطاريه !



..