نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

ام متعب التميمي · #1 24/02/2010, 02:44 AM

مســـــاء الخير يا احلى واغلى واجمل اعضاء

يقول الشاعر
مسيناكم مسونا ،،،وع البوابه لا أونا
وان زئفتوا كتير كتير،،،بتكون بتحبونا

صح لسان شاعرنا المخضرم

صبــــــاح الخير لاافضل وألطف وانظف اعضاء

يقول الشاعر<<<تكفين لايكون مثل الي فوق

صبحكم بالخير يالعمال العماليه
مسيكم بالخير يالعمال العماليه
عطونا بنتكم الحلوه والجميله
...الخ

صح مشاعرك واحساسك ياشعرنا الكبير والاسير والشوق

كلاسيكي(الي فوق هذي تصلح مقدمه)

كودني اخذ جائزه مثل بوطلال

اول شي ربعوا عشاني بسولف تعرفوني ماعرف اكتب موضوع

المفروض عندي مايكتبون موضوع جديد

يكتبون خمبدزه جديده

يقولكم امس وانا اسولف مع صديقاتي بالماسن

قالت لنا وحده سالفه

ان صديقتها دقت على صديقتها الثانيه<<خلني احط لهم نك نيمات عشان تفهمون معاي

يقولك عبير دقت على وجدان

الموهم رد زوج وجدان على جوالها
عبير اول شي سكرت لانها استغربت صوت الرجال
رجعت دقت ثانيه لما تأكدت من الرقم
الموهم تقول ماطلع صوت
تقول قلت ألو
قال زوج وجدان هلا
قال عبير هذا جوال وجدان
قال ايوه بس نايمه
من انتي
قالت عبير صديقتها
قال خلاس لما تصحى اخبرها
تقول جلست 5 دقايق ورن جوالي من رقم غريب
رديت طلع رجال نفس صوت زوج وجدان<<<استغفرالله ماابي احط بذمتي شي

الموهم تقول قالي جوال محمد قلت غلطان وسكرت
تقول ازعج امي كل شوي داق ويدز مسجات لما مارديت
وجلس يتبلاني
ويقول وحشتيني وين ايامنا ذيك ايام الفله ايام قبل زواجك ....الخ
عبير خافت وكلمت اخوهايتفاهم معاه
اخذ اخوها الجوال وتفاهم وياه((الموهم صار سالفه مالها دخل فموضوعي)

والحين ببتدي قصتي الثانيه انتم توحون

هذا الله يسلمكم اخوي الاوسط

عنده محل يبيع فيه

والله مانيب قايله حسبي على الي اقترح ان كل واحد لازم يرز اسمه على لوحه المحل كامله

الموهم اخوي بحكم ان محله توه جديد لازم يرتزفيه كل يوم
يشوف وش له وش عليه ومن هالحكي
الموهم حاط كرت للمحل وحاط فيه تلفون المحل ورقم جواله
بحكم ان اخوي هو اخوي

اكيد بيطلع مليح على امي

الموهم فيه حرمه خذت كرت من المحل

ومسكي رقم جواله وغثيه

اتصالات ومسجات ووسائط فاضحه الله يستر علينا

الموهم اخوي جن جنونه منها

قام قال لاختي الكبيره امسكي كلميها وتفاهمي وياها

لاني اذا رديت عليها تقعد تسوي اشياءات مو حلوه

فكلمتها اختي وقالت خلي اخوك يتزوجني ويصحح غلطته

قالت اختي سلامات لاتتبلين الرجال مايجوز

قالت الا هو جاني بشقتي وشي زي كذا

قالت لها متى جاك

قال يوم الاثنين

(التسذابه الاثنين اخوي مع عياله في مكه

)

الموهم تهاوشت اختي معها وسكرت (الباقي مالكم دخل فيه<<ليش تسولفين اجل

)

الحين اجي للي ابغى اوصله

س1:لو انتي متزوجه وحدث لك مثل الموقف الاول بتلجئين لزوجك ولا لاخوك مع ذكر السبب؟
س2:لو انتي متزوجه وصادف الموقف الثاني لزوجك وجاته وحده تتبلاه بتصدقينها ولا لا؟وش بتسوين؟
س3:لو انت زوج الاولى وجا واحد وتبلاها بتصدقه او لا؟
س4:لو انت متزوج وصارلك الموقف الثاني بتخلي زوجتك تدري وبتخليها تكلمها ولا بتعلم اختك؟
س5:تئيدون ان الزوج يرد ع جوال زوجته ولا العكس؟

^
^
لبى الألوان

انتهى

يقول الشاعر
بكل سهوله انتهينا كلمه قالتها وراحت
وانا ماني قادر افهم شنهو يعني انتهينا

صح لساني وبس

يقول الشاعر
مع السلامه تبي تبعد بحفظ الله
قلبي تعود على زلة مواليفه

صح لسان الطقاقه

تحياتي وورداتي

ام متعب