نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة - || رابطة ♥ ريال مدريد ♥ ||

FLORINTINO · #14617 21/02/2010, 07:33 PM

hm๏̯͡๏de_4

ياروحي على النك

.. هلا حمودي

وصلت خير انا صاحب المقولة

وش تتوقع لريال مدريد اليوم؟ ( سواء من ناحية الفوز او الاداء او النفسيه )

راح اتكلم عنها في رد بعد شوي ان شاء الله

نادي الاتحاد كل شوي طالعتله مشكله بخصوص منصور البلوي .. اكثر اللعيبه الاجانب اللي يطالبون الاتحاد بمبالغ ماليه لم تصرف لهم كانو بوقت منصور البلوي
الشخص ذا(منصور البلوي) وش قصة اهله يوعد ويخلف ولا يقطع رزق الناس ؟

شف في البداية محد ينكر الشيء الي سواه البلوي لـ النادي في فترة رئاسته .. صحيح
كان فيه مشاكل ماليه لكن كانت تٌحل بدعم من العضو الداعم ’ عبدالمحسن ال الشيخ ‘

عموماً .. مصاريف النادي .. هلله وحدة ما يدفعها لا بلوي ولا غيره في الفترة الي
راحت .. الفواتير كل ابوها تروح لـ مكتب الشيخ وهو يدفع .. ولا يحب يظهر في
الصورة .. البلوي استغل هالنقطة و ورط الأتحاد في كثير من القضايا لدرجة انه
وقع مع لاعبين ما مثلوا الأتحاد اساساً واضطر انه يدفع مبالغ كبيرة .

زي ما نفع الأتحاد هو ضره للأسف !

تؤيد رجعته لنادي الاتحاد؟

لا ولا بريال

لك بالبلايستيشن ؟

ايه

اذا كان جوابك ايه وش الالعاب اللي تفضلها ؟ واكبر نتيجته خسرت فيها وفزت فيها

?

اكثر شي العب كورة .. ومن هالمنبر اعلن تحدي مع اي واحد يشوف نفسه فنان
او حريٌف

.. العب طبعاً PES

.. اكبر نتيجة الظاهر 14 على واحد من
العيال الله يذكره بالخير

.. اكبر خسارة اتوقع 9 من اخوي

شكراً على اسئلتك المختصرة

==

X.ALONSO

هلا حبيب قلبي متعب

.. والله مشتاق لك حييل يا كلب .. صاير قاطع
هالأيام يا كافي

.. صدقني يا متعب ما انسى وقفاتك جنبي وان كان واحد
يفتخر بمعرفتك فأنا افتخر بمعرفة رجال مثلك وشرواك

بما إنك ذكرت زيارتك للبرنابيو

بسئلك كيف كانت الزيارة هل الوالد مدريدي مثلاًَ

؟

بداية الوالد موب مدريدي .. ويكره الريال بشكل مو طبيعي

.. هو مشجع قديم
لـ البرسا يمكن من ايام تدريب كرويف والتيم الذهبي لـ برشلونة .. بس عموماً
الجو حلو بيننا .. اذا انهزم البرسا اجي اتشمت

.. وهو يتشمت فيني اذا انهزم
الريال .. واذا حاولت انحاش دق علي عشان يوصل شماته خخخ .. الله يطول في
عمره يارب

.. الروحه لـ البرنابيو كانت بـ المصادفة صراحة .. احنا رحنا
في البداية لـ ملقا .. منها على ماربيـآ .. ثم بالسيارة على مدريد .. يوم جالسين
نتغدا.. شفنا مجموعة كبيرة تمشي في الشارع وشايلين اعلام ريال مدريد وهيصة
سألنا .. وش فيه اليوم هنا ؟ .. قالوا اليوم فيه مبارة وديه .. ريال مدريد × ميلن
على كأس سانتياغو برنابيو .. طبعاً ما اقولك على كمية كلمة تكفى يابوي خخخخ
وبعد الألحاح مرينا جنب الملعب وشرينا التذاكر وكان باقي على المبارة ساعتين
رحنا لـ الأوتيل وابوعابد كشخ بـ طقم الريال الجديد ’ الأسود الي فيه خطوط
ذهبية

‘ حتى الشٌراب لبسته تقل اني رايح العب من قوة الحماس خخخخخخخ
ودخلت البرنابيو .. طبعاً لـ يومك ما انسى تفاصيل التفاصيل .. صحيح كنت صغير
وقتها بس الشيء الي شفته صعب ينسى من تنظيم وجمهور راقي ومؤدب ..
بحول الله الزيارة راح تتكرر

==

بلييز شباب .. نبغى نعطي فرصة لـ الشباب يتكلموا عن المبارة
وقفوا الأسئلة الحين الله لايهينكم .. وان شاء الله بعد المبارة نكمل

لي رجعة مع متش الليلة بعد ما القط نفسي خخخ