أهلين عشوقي..

موضوعك كالعادة حلو ..<< احلف ههههه

والله مدري شقول ..!!

البنت الي تردد هالكلمات أتوقع جزء منها صحيح..فمجتمعنا شديد جدا تجاه بعض القضايا..ومنها قضايا النساء..

فأتصور أنه يوجد بعض مايقف حائلا دون تمتع بناتنا براحتهن ..لأن بعض الأهل شديدين شوي..مو هذا المهم ..

المهم أن أسباب هالكلمة التي تطلقها البنوته كثيرة منها مثلا - اعذروني سأتكلم بلغة عاميه ليصل مرادي كما أريد إن شاء الله- :

- أحيانا فيه أمور مستحيل تسويها البنت لحالها أو مع أهلها ..مو لأن مجتمعنا يرفضها..أو لأن الأهل شديدين أو أو ..لالالا ..لأن رب العالمين أمرنا بهالشيئ..والدين يمنع هالشيئ..يعني مثل روحتها للسوق لازم تروح مع أحد أهلها يوديها لين توصل السوق -عاد يدخل معها وإلا مايدخل هذي تخضع لثقافة الأهل وعاداتهم ومدى فهم البنت وعقلها وتصرفاتها - والي تقول ليتني ولد علشان أسوق ومدري إيش أقولها : ليتني والله أبوك أوريك الشغل..<< هههههه هذا الشرع الي منعه ..ونحن علينا السمع والطاعه..

فأرجو التفريق بين الممنوع شرعا..والممنوع ثقافة وعرفا.. مههههههههههمه هالنقطة.. فنحن نتكلم على الممنوع ثقافة وعرفا..أما الممنوع شرعا فلاكلام فيه..

أيضا أتكلم على الممنوع شرعا..وليس الذي فهمته أنت على أنه ممنوع وهو ليس كذلك..انتبهوا..

- أن البنت أحيانا لاتفهم طبيعة الفرق بينها وبين الولد..فالبنت أحيانا تتمنى أن تفعل نفس مايفعله الولد ..وهذا فيه صعوبه جدا بالذات في مجتمعاتنا المحافظة..فللبنت خصوصية وللولد خصوصية..وينبغي التفريق بين خصائص كل جنس..
(لاتجيني وحدة تقول حنا عارفين هالشيئ ..أنا كلامي للي ناسية هالشيئ هذا عمليا ..مو للي ذاكرته وفاهمته..ولكن إذا كان هالسبب مايناسب بعض البنات لكونها تدرك الفرق بين الجنسين فإنها ستجد في بعض الأسباب التالية مايناسبها بإذن الله..)

- بعض الأسر والعوائل تغلق الكثير من الخيارات المتاحة أما البنات بحجة (ماعندنا بنات تسوي كذا ..إذا تزوجتي سوي كذا ..إلخ) طيب وش المانع إنها تسوي الشيئ الي يرفه عنها ولايمس كرامتها وعفتها هي وأهلها..؟!! أنا نفسي مدري !! وبالتالي تتبرم البنت وتعيش توهان فكري وذاتي ..بسبب الحرمان..والسبب في ذلك هم الأهل ..أو العادات والتقاليد التي نتبعها ..!!

-أيضا المجتمع فيه تباين كبير في هالنقطة..فتجد البنت الي أهلها مشددين عليها تقارن نفسها بصديقتها في الجامعه أو المدرسة الي أهلها مرخين لها الحبل شوي ..وتروح تقول لأهلها ودي أسوي كذا..يقولون لها : لا معصي..وتقول طيب فلانة تسوي..يقولون ماعلينا منها حنا تربيتنا وثقافتنا وآرائنا غير..فتأتي هنا المقوله : ليتني ولد ..إلخ

- بصراحة : نحن الرجال مقصرين مع نسائنا (بناتنا أخواتنا زوجاتنا ) ..أنا أحس بهالشيئ وأشعر فيه من خلال مجتمعي والبيئة الي حولي..وهذا شيئ مؤلم بصراحة..

يعني ترى الشدة مو ممدوحة بكل شيئ..كما أن التراخي مو ممدوح بكل شيئ..يعني الوسطية حلوة..
وش فيها إن البنت تسوي الي تبيه -ويكون مايأثر عليها وعلى أهلها- وهي محتشمة وعاقلة وعارفه حقوقها وواجباتها ..؟!!
يعني خلونا نعيش كلنا ونتمتع بكل حقوقنا الي لنا..ونأدي واجباتنا الي علينا..

والله الدنيا تتسع لكل الديانات والأعراق والجنسيات ..تتوقعونها تعجز عن احتواء آراء ورغبات..؟!! دنيا عجيبة بشكل..!!

آسف ع الإطالة عاشق..لكن موضوعك جميل كعادتك دائما..

تقبل تحياتي..

..عبدالعزيز..