ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟
التنظيم الدفاعي جيد ، لكن في الموضوع السابق حذرت من الارتداد السريع لمثل هالفرق اللي تلعب بنهج دفاعي وعن وجوب تمرين المدافعين ولاعبين المحور على مثل هالارتداد السريع لخصمك وشفنا اليوم الهجمه المرتده للاعب نجران واللي اوقفها المرشدي بعد ماتعب في السيطره على الكره والسبب ان لاعب نجران متمرن على مثل هالكرات واحسن التصرف فيها وبشكل عام التنظيم الدفاعي جيد بوجود هوساوي والمرشدي اللي قدموا مستوى ممــتاز اليوم . وبالنسبه للإرتداد الهجومي والدفاعي ،، بشكل عام اليوم كان ايقاع اللعب سريع ورتمه اسرع من المباريات اللي راحت وهالنقطه كانت تضايق غيرتس وكلنا نشوف تصريحاته وكان اكثر من مره يتكلم عن الارتداد ومدى سرعته في الهجوم او في الدفــاع وانا اعتقد انه الآن بالهلال يطبق بشكل سليم وهذا اكيد من ضمن الكوره الحديثه والنهج الحديث . التبديلات كانت عباره عن تجديد دم بالفريق ومحاولة تعزيز النتيجه وانهاء الامور مبكرا ، شفنا الفريدي في اكثر من هجمه ولاننسى انه لعب مكان الغامدي يعني محور لكن محور متقدم وساعده في ذلك ويلي اللي تراجع كثير للخلف في الشوط الثاني بعد دخول الفريدي والسبب هو الخوف من ترك مساحات فارغه بالخلـف في حين تقدم الفريدي . 
ماهي أبرز السلبيات والإيجابيات التي دونتها على أداء الفريق خلال المباراة ..؟ بصراحه سرعة ايقاع اللعب للهلال واللعب بلمسه ولمستين والانضباط التكتيكي البحــت وماشفنا اخطــاء فادحه تدل على عدم الانضباط داخل الملعب وتطبيق كل مايطلبه المدرب من اللاعب ، ايضا الحاله الذهنيه للاعبين كانت ممـتازه صحيح افتقدنا للمسه الاخيره في بعض الهجمـات لكن اللاعبين كانو مركزين بشكل ممـتاز على المباراه ،، لكن اليوم فيه اكثر من ضربه حره ماستفدنا منها سواء من نيفيز او من ياسر ، جميع هالكرات الثابته مافادتنا ولازم يتكثف التمرين على مثل هالحلول الفرديه خاصه انك احيانا تحتاج لمثل هالحلول اذا اتيحت لك ويمكن لو كل الفاولات اللي اليوم سُجلت كان شفنا 4 اهداف للهلال . 
ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟ اللاعبين كانوا ممـتازين فنيا وذهنيا ، واللاعب اللي انا اشوف انه ابـدع اليوم عمر الغامدي يعني لاعب مايلعب دايم واغلب اللاعبين اللي نادر مايلعبون تجده يفتقد لأجواء المباراه وهذا عكس ماشفنا مع الغامدي الى جانب ياسر القحطاني ونيفيز اللي كانت تحركاته ايجابيه وصنع الهدف الثاني . وبالنسبه للاعب اللي ماقدم المستوى المأمول يمكن ويلي كان مو بالفورمه اليوم لكن هذا شي طبيعي ، صعب تجد لاعب دايما مستواه ثابت  . 
ماهي رؤيتك الخاصه عن المباراة (( مساحة حره للعضو )) * اعتقد ان ثمار الحوار اللي اجروه مشرفين المنتدى الاعـزاء مع ياسر جاء بثماره ، اللاعب متحمس ومثل اللي يبي يمسح الصوره السيئه اللي ظهر فيها في مباراة النصر ، وبصراحه الحوار كان جدا مفيد لياسر ولنا ايضا وعن نفسي اول مره اسمع حوار بالطريقه الرائعه هذي وكلا الطرفين يريد الخروج بفائده من هالحــوار ،، رسالة شكر وتقدير للي اجروا الحوار مع ياسر . * كل الشكر للاعبين اللي ماخذلونا اليوم ، ولازم يعرفون ان وراهم نهائي وبطوله مهمه كل هلالي يطمح لها ولا مجال للتفريط بالاضافه ان الجمهور الهلالي يبي يطلع بأكبر قدر من البطولات في هالموسم وهذا من حقنا كجمهور واللاعب لازم يجتهد كل الاجتهاد ، صحيح مافيه لاعب مايخطي لكن افضل اللاعبين اقلهم اخطـاء وان شاء الله اللاعبين يعرفون هالشي تماما .
كل التوفيق للزعيــم 
اخر تعديل كان بواسطة » 20 الكاسر ياسر 20 في يوم » 15/02/2010 عند الساعة » 11:10 PM | 