و الله مباره كانت ممتعه الى ابعد درجه صلب مدريد عرفو يلعبونها على البرشا بتكلم عن المباره و عن البرسا بصفتي متابع لا اقل ولا اكثر * الغيابات اثرت على البرسا و خصوصا ( الفيس ) و بعض اللاعبين ما كانو في الــ مود * بيب لا زال يحاول انه يلقاء جناح ايسر بامكانيات تيري وهذا الشي ( من وجهة نظري ) مو موجود في بيدرو و غلط بيب انه يبي يصحح الخطاء بخطاء اكبر وجود انيستا بـ الجناح يفقد وسط البرسا الكثير * لا زلت اشوف ان بيب يحاول قد ما يقدر يلعب الغنام 
و اتوقع ان الجواب على هذا السؤال بيكون احد الاجابات التاليه ( الحميه و ان اغلب لاعبين البرسا من مدرسة - كاس العالم قرب ويبيه يثبت نفسه عشان يكون معهم - جميع ماذكر ) * غياب الفيس يؤثر على ميسي بدرجه كبيره خصوصا انهم من اكثر لاعبين البرسا تفاهم * ( فالديز و بويول ) كل ما شفتهم يلعبون ما يطري في بالي الا اغنية الفنان كاظم الساهر ( كل ما تكبر تحلى ) * المقارنه بين ايبرا و ايتو ظالمه في حق الطرفين و ان كنت اشوف ان ايبرا اكثر المتضررين فيها لان ايتو شارب تكتيك البرسا كامل بـ عكس ايبرا الي اشوف انه مهاجم ينهي الهجمه وهذا الشي عكس نظام البرسا اللي يكون لعبهم على الطقطقه و السرعه و يمكن افضل لاعب يناسب تكتيك البرسا هو فيا , لكن هذا الشي ما يخفي ان ايبرا المهاجم الاول في العالم في موسم 2009 * الهجمه المرتده هي الطريقه الوحيده اللي تقدر فيها تهزم البرسا * صلب مدريد ينطبق عليهم المثل اللي يقول ( أسد علي وفي الحروب نعامة ) اسد على البرسا و نعامه على الريال * صلب مدريد كانو الافضل بالمباره و كانو يستحقون الـ 3 نقاط كامله * الافضل في المباره من البرسا كان ( بويول و فالديز ) بالمناصفه بينهم والاسواء كان ( الغنام ) بكل جداره * الافضل في المباره من الصلب كان ( الفريق كامل باستثناء اقويرو ) و الاسواء ( اقويرو ) و يمكن يكون الاسواء بالمباره كامله * اقويرو كانه حالف ما يسجل هدف اليوم 5 فرص لو اعطيها ياسر بيسجل على الاقل منها 3 * الحكم كان له اكثر من خطاء بس الخطاء اللي لو كنت من بيب بروح ابوس راس الحكم عشان انه ما اعطى اللاعب رقم 20 كرت اصفر ثاني و سبحان الله ما مرت دقيقه الا بيب اجرا التغيير مبروووك لــ مدينة مدريد و هارد لكم يا مشجعين البرسا
هذي وجهة نظري ممكن تكون غلط و ممكن تكون صح و اسف على الاطاله
