اخوي الغاليblue club
يسعدني وجود شخص مثلك فالمناقشات تثري المنتدى
على الاقل استفيد منك وتستفيد مني افضل من بعض الردود ((المستهزئه))

نبدأ بردك نقطه نقطه:
اول نقطه انا لا اريد ان يبدأ الهلال من الصفر
انا اقول المفروض عملنا هذا الشيء من زمان
حتى اذا جاء هذا الوقت مانجلس نعض اصابع الندم ونبحث عن اشباه لاعبين ((اقصد الجنوبي))
ويقول المثل ياليت ماتعمر بيت لذلك لماذا لانبدأ الآن ماهو العائق...

وبالنسبه ان الهلال يجلس 5 سنوات بدون بطوله
بسبب الاعداد ((بالرغم من اني لااحبذ هذي الفكره على الاقل في الوقت الحاضر
الا انها بالمنطق سيكون عندك بعد هذي الـــ5 سنوات فريق سيحقق بطوله
ولكن لو استمرينا على شغل انشاء الله بناخذ بطوله هذي السنه ستنتهي الــــ5 سنوات وانت لم تحقق
بطوله ولم تعد فريق يحقق لك بطوله)) لسنا بحاجة هذه الفكره الآن بالرغم ان مانشستر يونايتد طبقها
وحقق ثنائيه في تلك السنه ....


النقطه الثانيه وهي ان الزعيم لابد ان يجلب لاعبين
هذي نقطه اختلف معاك فيها جذرياً
ولاثبات كلامي اعود معك الى نظرية الارقام
وسأضرب مثال على فريقي المفضل روما الايطالي
لاني اعرفه جيداً ((وعلشان مااتفلسف كثير))
عندك مثال توتي تربى في الفريق ولعب لكل مراحلة السنيه
وسعره الآن لايقل عن 50 مليون يورو
ودي روسي مثال اخر حتى لانقول ان الامر مصادفه
لاعب ناشيء برز مع منتخب ايطاليا وفي غضون سنتين بالكثير سيصل سعره
الى مايقل عن 40 يورو((واذا تبي اكثر من 20 مثال اخر انا جاهز))


المهم ان اعدادك للاعب في الفريق يوفر عليك الكثير
وولو تجاهلنا الماده بالرغم من اهميتها
لكن سأتجاهلها لان الجمهور لاينظر لها كثيراً
سنخرج بلاعبين كبار نعرفهم جيداً ونعرف مدى امكانياتهم..

ومايفوتني اذكر مثال محلي
وهو لاعب الشباب مايحظرني اسمه حالياً
المدافع اللي يبغى يتعاقد معه الهلال بـــ5مليون
ماذا لو تم اعداده في الهلال بذلك سنوفر الــ5 مليون ونضعها في لاعب اخر
((اسف يمكن النقطه غامضه بس اتمنى تكون فهمت قصدي))


النقطه الثالثه
لازم نحكم على اللاعب بعد مايلعب مع الفريق
للاسف هذا هو مايقال عندنا وبكثره

ياحبيبي اللاعب تكون معروفه مستوياته وامكانياته
قبل ان يأتي
ويبقى بعد مجيئه مسألة التوفيق
وهذي بيد الله يعني اللي يقول ماراح اجيب ماردونا يلعب معنا اخاف انه ماراح يتوفق
يعني الموضوع غريب...

تيري هنري لاعب الارسنال حالياً
مافيه احد كان يتوقع انه راح يفشل مع اليوفي
ولكنه لم يتوفق وكان اسوء لاعبين اليوفي في تلك السنه
((المثال بالعكس لكنه يفي بالغرض))


اسف على الكلام الطويل
((وهذا رأي شخصي))