السلام عليكم ..

بصراحة ما اشوف داعي لكل اللي عملتوه هذا كل واحد فاتح موضوع ويسب في المنتخب ..

حرام عليكم نسيتوا كم مرة فرحكم المنتخب ورجعلكم بالبطولات خلاص من اول تعادل ومن اول مباراة
سب وكلام ماله داعي.. بصراحة كلنا زعلنا على المستوى اللي قدمه المنتخب اليوم .. لكن الحمد لله على التعادل (عصفور في اليد ولا عشر على الشجرة ) و نقطة وحدة احسن من ولا شىء ..
اما بالنسبة للاداء فانا معاكم في هالشىء والاداء كان ضعيف في الشوط الاول لكن الشوط الثاني احسن من الاول بكثير ..وسبب هذال ا لمستوى يرجع للمدرب مو للاعبين ..

انا اشوف الخطا على المدرب مو اللاعبين .. والمفروض تحاولون تساعدوا المنتخب مو تقعدون تسبون فيه .. ونحاول نعالج المشكلة مو نعقدها

وبعدين المنتخب انا اشوفه تمام لكن الاصابات وتغيب الاعبين والتغيير الكبير فيه ولاتنسون ان نص الاساسيين تقريبا مصابين يعني المشكلة مو في الاعبين المشكلة في المدرب ما قدر يتدارك مشكلة الاصابات بتشكيلة ممتازة .. واول اخطاءه كانت في الحارس وبعدين جاء بعدها ودخل طلال المشعل وهو مصاب و خرج البيشي مع ان البيشي كان ممتاز .. وطلال ما اضاف الكثير .. وبعدين لاتنسون في فرصة كبيرررررررررررررة اضاعها المشعل حتى جات الكورة لحد رجله وهو كان وقف والله مدري وش كان فيه بس قهرررررررر كان جنب المرمى .. وبعدين انا اشوف ان هجوم البيشي والقحطاني ممتاز .. والمشكلة كانت في الوسط .. المدرب ما عرف ينظم الوسط ابدا واكبر دليل انه ادخل الجنوبي .. وهذا بالعكس اهدر فرص كثيرة .. والدفاع ؟؟بعد وين المنتشري ما حطه غير باخر المباراة ..

وانا اقولكم كذا عشان اوضحلكم ان الاعبين لعبهم ممتاز ( باستثناء البعض).. لكن المشكلة بالمدرب ما عرف ينسق بينهم ..

وبعدين لاتنسون الاصابات .. ترها السبب وياريت تدفعون المنتخب لقدام مو ترجعونه لورا ..بكلامكم (مو الكل طبعا) اتمنى ان المنتخب يتدارك الاخطاء في المباريات القادمة

وشكرا .. وعلى فكرة في ايميل تقدرون تراسلون بعثة المنتخب في الصين عليه وتقولولهم عن اخطاءهم عشان يصلحونها .. وزي ما قلتلكم نعالج المشكلة ولا نعقدها ..