10/02/2010, 09:49 AM
|
 | زعيــم مميــز | | تاريخ التسجيل: 11/11/2007 المكان: Here And There !!
مشاركات: 14,060
| |
] أسئلـة نفاشيـة [ 1-تشكيلة فريقك المتوقعه؟ ونظرتك حول اللقاء .؟ سار ايفـرا ... براون .... ايفانز ..... نيفيل سكولز ..... كاريــك فلتشيــر قيقز.......................... ناني روني ،، المباراه صعبه جـدا ولازم مانخسر هالمباراه لأن الدور الاول خسرنا في ارضنا والدور هذا لازم نكسب الــ 3 نقـاط ولا مجال للتفريط فيها . اسـتون فيلا فريق صعب ومنظم على كل الاصعده ، يميز هالفريق سلاسة النقلات بين اللاعبين وماتلقى عك كروي عندهم ، وترابط خط الوسط مع خط الهجوم من ابرز سمات اسـتون فيلا ايضا عندهم مدرب ذكـي ويعرف يقــرأ المباريات بشكل ممتاز حتى لو كان متأخر بهدف او حتى هدفين ، بالنسبه لمانشستر راح نشوف ادوار دفاعيه بحته لكاريك ولسكولز مقارنه بـ فليتشر اللي راح يقوم في بعض المهام الهجوميه والاغلبيه للدفاع لكون انك تلعب مع فريق متميز هجوميا كـ استون فيـلا . 2-قمة الجوله الارسنال يستضيف الليفر.هل تتوقع ان الليفر يواصل انتصاراته ويعمق جراح الارسنال.ام ان لـ ارسن كلام اخر وهو حصد الثلاث نقاط واثبات ان الارسنال قادر على المنافسه.؟ في غياب توريس يصعب الوضع على ليفربول لأنك تلعب مع فريق مميز هجوميا مثل الارسنال ، نجوج ماشوف فيه راس الحربه المميز بالعكس اللاعب يعطل كثير من الهجمات بسبب العك الكروي اللي يسويه ،، حتى تسجيل الاهداف لليفر في آخر المباريات يكون للهولندي كاوت اللي يلعب على الطرف وهذا يدل ان مافيه مهاجم راس حربه يعوض غياب توريس اللي مدري بصراحه جاهز للمباراه ذي او لا .  . لكن توقعي تعادل هدف لكل فريق . 3- ايفرتون يستضيف تشلسي هل تتوقع ان ايفرتون قادر على ايقاف البلوز .او ان البلوز ينتصرون ويثبتون ان لااحد قادر على ايقافهم.؟ تشلسي منتشي في هالمباراه كونه مقدم مستوى ونتيجه رائعين مع الارسـنال ،، والمهمه صعبه على ايفرتون في تعطيل مضي تشلسي في الدوري لكن ممكن ليش لا خاصةً ان تشلسي دائما مايتعثر امام الفرق المتوسطه والضعيفه اما بتعادلات او خسائر ولعل التعادلات تأخذ النصيب اكبر من الخسائر بالنسبه لتعثر تشلسي امام الفرق المتوسطه والضعيفه . 4- المان في ضيافة العنيد استون فيلا توقعاتك لمجريات اللقاء ومن تتوقع له الغلبه السير ام اونيل .؟ المدرب اللي يقرأ المباراه صح هو اللي راح يكسب ،، اونيل ذكي جـدا ويعرف يتعامل مع مجريات المباراه لكن بإذن الله السير بيكسبه . 5- نجوم الجوله .؟ ارشافين - جيرارد - انيلكا - قيقز - ديفو - 
|
