تقرير مباراة أصدقاء زيدان بكندا (فانكوفر)
السلام عليكم ورحمة الله وبركاته
اسعد الله جميع اوقاتكم
اول مشاااركــة لي 
اولا اشكر الادراة على تفعيل عضويتي وللاسف كنت ابغى انزل الموضوع هذا بنفس يوم الحدث
بس العذر والسموحه مااتفعلت عضويتي الا اليوم
بس اكيد فيه جمهور كبير للاسطورة زيدان وقلت لازم انزل الموضوع هذا لانه المباراة كانت غير منقولة
المدينة : فانكوفر
المكان:استاد سوينقارد
التاريخ: 12 جولاي 2009
الوقت: الساعة 8 العصر
المناسبة: مباراة اصدقاء زيدان واصدقاء فانكوفر (مباراة خيرية للأطفال الفقراء)
طبعا المباراة كانت ستقام بيوم 4 جولاي بحضور جميع اصدقاء زيدان ولكن للأسف اصيب زيدان بظهره بعد ماحمل طفله كندية
وأجلت المباراة الى يوم 12 جولاي وتم تغيير الاستاد بعد ماكان باستاد (BC Place )
بس كل اللاعبين امتنعوا عن المشاركة بسبب سوء التوقيت ومابقى الا زيدان
طبعا كان عدد الحجوزات للتذاكر حوالي 8000 تذكره وكانت قيمة التذاكر من 99 دولار إلى 29 دولار كندي
طبعا انا اول من توهق لاني حجزت حوالي 13 تذكره لاصحابي بقيمة 99 دولار ومع الضرائب تطلع علي التذكره 108ونصف دولار .
بس الحمدلله اعلنوا بالجرايد انهم يرجعون التذاكر والحمدلله رجعتلي فلوسي 
وفي يوم المباراة رحت للملعب بس ماتوقعت انه هذا الملعب اللي يبي يلعب فيه واحد من اساطير الكره العالمية ملعب حارتنا احسن منه 
وكانت قيمة التذاكر 30 دولار و 50 دولار والمشكله نفس الشي يعني اللي ياخذ ام 30 دولار يبي يجلس بنفس مكان اللي شاري التذكره بـ50 دولار
المهم
اقول ماتلاحظون اني طولت السوالف وقلت قصة حياتي ...
تعالوا شوفوا الصور ومقاطع الفيديو نزلتها على اليوتيوب لعيونكم وانا اللي جالس اعلق بالمباراة خخخخخخ
بعض الجماهير الحاضره ببداية المباراة
من خلف الملعب
بعدها دخلوا اللاعبين ومن يتقدمهم زيدان لأرض الملعب لعملية الإحماء
بعدها راحوا لغرفة الملابس استعداداً للمباراة
لحظة دخولهم لأرض الملعب
السلام الملكي الكندي
زيدان يلتفت يحيي الجمهور
بداية المباراة
فرحة بالهدف
طبعاً طلع زيدان قبل نهاية الشوط الاول
وببداية الشوط الثاني دخل زيدان بشعار الفريق الثاني اللي هو باللون الاحمر
انتهت المباراة بفوز زيدان بكل الفريقين
يعني كان فايز بالشوط الاول وبعد ماانتقل للفريق الثاني بالشوط الثاني قلب النتيجه وفاز
بس ماقلت لكم كم كانت النتيجة صح ؟؟؟؟؟؟؟
شوفوهاااا
لحظه خروج زيدان
أما مقاطع الفيديو هذي هي
http://www.youtube.com/watch?v=qa5Tqt5K56o
أحد أهداف زيدان وانا اللي اعلق واصارخ خخخخ من الفرحة وهـ بس ياحبيله
http://www.youtube.com/watch?v=whPm5RnzP70
http://www.youtube.com/watch?v=uB_pBb2rByg
وهـ بس فديتها اللي تقول جونيور زيدان 
http://www.youtube.com/watch?v=eCPfcgoFgkg
http://www.youtube.com/watch?v=3jZ99qJAQJ0
هدف زيدان البلنتي
http://www.youtube.com/watch?v=UsrMQK17aew
http://www.youtube.com/watch?v=B2OU-m6DhCU  | 