الموضوع:
تحبين ؟! ( وخزياهـ مير بس )
مشاهدة مشاركة بصفحة مستقلة
#
7
03/02/2010, 12:35 PM
قرقاص
كاتب مخضرم بالمجلس العام
تاريخ التسجيل: 11/01/2001
المكان: الدائري الشمالي
مشاركات: 5,720
مرحبا هلالي 292
إقتباس
<<< مستحي اول مررهـ يكتب هنا
في البدايهـ نقول ونبدا بسم الله الرحمن الرحيمـ
صباح الخير للجميع وان شاء الله يكون صباح حلو
اللله يستر من مواضيعك الجاية !! اذا هذا الأول وأنت مستحي والموضوع عن الحب
بداياتك تذكرني بالأذاعة المدرسية
ماعليك من الكلام اللي فوق حبيت امزح معك عشان يروح الحياء وفي المرة الجاية تكتب وكانك مسجل معنا في المنتدى من عام 2000
موضوع الحب موجود من زمان على ايام ماكنت صغير في اولى ابتدائي كان كل واحد من أفراد العائلة الذكور والأناث كل واحد فيهم حاطين له او بالعربي ملزقين له حبيب
وكان الواحد اذا بيزعل اخوة او ولد عمة يجي عند اصدقائه ويقول ترى حمودي يحب حصه
والبنت بعد تجي قريبتها وتفضحها وتقول ترى منيرة تحب دحيم
رغم ان مافيه شي من الكلام هذا على أرض الواقع مجرد تهمة بالحب ترمى جزافا لكسر العين
بس أول كان ببرأة الطفولة ولو تسأله وش لو امك وابوك جابوك قال العصفورة حطتني عند الباب
ماعرفنا الأمور على حقيقتها الا من مدرس الأحياء حق اولى ثانوي
لكن جيل هاليومين يروع
طفل ماتعدى 8 سنوات ممكن يشرح لك التكاثر عند البشر رغم انهم مابعد درسوه من زود الدفاره
نرجع للحب
الحب شي نسبي يختلف من شخص لأخر واللي يقولك الحب يجي بعد الزواج ولاقبل الزواج ماعنده سالفة
ياما شفنا ناس حبوا بعض حب روميو لجوليت وبعد الزواج بشهور كل واحد يسمي الثاني في جواله النشبه و المصيبة
وياما عروسين ماشافوا بعضهم الا ليلة الدخلة وعايشين في عسل سنين مو شهر واحد
والعكس صحيح
إقتباس
التفكير صار الحب الرومانسي وحركات العشاق والاشياء هذي الي يبيله كرت مشفر
السبب هالقنوات والمسلسلات خصوصا الخليجية اللي صايره هاليومين تروع ومتجهين اتجاه حب بس من نوع شاذ الله لايبلانا
قرقاص
مشاهدة الملف الشخصي
البحث عن كافة المشاركات التي كتبت بواسطة قرقاص