|
ممنووووووووع دخول الشباااب ( الا بمحـــــــــــــــــــــــــرم ) ....!!
بسم الله الرحمن الرحيم
السلام عليكم ورحمة الله وبركاته
صبأأأأأأأأأأأأأأأأأحكم ومسأأأأأأأأأأأأأأأأأئكم ...... وووورد وووفل ووولوز .... أينما كنتم
قلتو الاسواق للعوائل قلنا طيب مافيه مانع ...
رحنا للمنتزهات قلتو لنا بعد انها عوائل قلنا طيب ؟
قعدنا بالمقاهي نبي نسهر في اجازة آخر الاسبوع قفلتوها بدري قلتوا خايفين على الشباب قلنا جزاكم الله خير
تمشينا بسياراتنا في الشوارع مسكتنا الدوريات قالت وش عندكم تدورون هنا .. يلااا على بيوتكم  .. مشيناه وقلنا أكيد خوفا على امن الدوله على روسنا من فوق ؟
لكن اروح لابو ريالين يقولي ممنوع الدخول للعوائل فقط 
بصراحه السالفه مصخت 
يعني لو ابي اسوي خطأ ضاقت الدنيا على ابو ريالين 
مابقا الا عند الحلاق يقولون رح جيب امك علشان تحلق
والله هذي ميب حاله 
وقسم تهزأنا لأبعد حد اجل يقول ماتدخل
ليه يابوي وش فيه يقول جب محرم 
الى متى بنقعد على هالحال كل شي للشباب ممنوع
وين نروح نسربت وندشر يعني
ولا ناكل تبن ونجلس بالبيت والحرمه خلاص هي المسئوله عن كل شي
انا من رأيي يقسمون المدن قسمين وبينهم جدار فااصل
قسم للشباب وقسم للعوائل ..
يعني لهدرجه احنا شياطين ومالنا امان ياجماعه ترانا سعوديين وقسم وعيال البلد ومسلمين
ماننكر ان فيه شبااب تعبان ومسبب قلق ومغازل ومضايقات للعوائل
لكن بعد ترى البنات فيهم حقهم يعني اصابعكم مهب سواء
اما انكم تمنعون حتى الحرمه الي مامعها رجال انها تدخل للأسواق حالها حالنا
ولا نصير مثلهم
وقسم بالله افكر اهاجر انا على الاقل عندي امي ان بغيت شي خلاص ماروح الا وهي معي
حتى لابغيت اغسل سيارتي باخذها اخاف بكره تصير عوائل
لكن المسكين العزوبي الي متغرب وماعنده احد وين يروح
ينثبر بشقته ولا يدمن مخدرات عشان مايطلع يحشش ولا يسكر ويبلع العافيه
تصدقون بكره اخاف اروح الدوام يطلع المدير يقول جب معك محرم << يعني حنا ثنين موظفين
وعندنا ام وحده اكيد واحد بيتأخر اجل
واذا مغترب عن اهلك وتدوور على سكن .. اول مايسالونك ( انت عزابى ) اذا قلت نعم >> قالوا اقضب الباب
معليش طولت وصرت افضفض من القهر والحره الي فيني اجل ابو ريالين يطردني ؟
وش الحل بحالنا يالشباااااب ... ووووين ننززززززلع .. ماااحد يبينا
الشاااب اللى أعزووووبى يتفضل
وسلااااااااااامتكم  | 