وعليكم السلام أخوي / سمار

تدري وش المشكلة ؟؟
انك كاتب ان الموضوع منقول !!
يعني ما ادري ارد عليك وإلا على اللي كاتب الموضوع ;)

المهم
في بداية قرآئتي للموضوع أعدت اول سطرين
لأني كنت اتوقعك تتكلم عن مقاهي الشيشه وما شابهها
لكن انك تتكلم عن مقاهي الكوفي شوب بهذه الطريقة
وتطالب بإستبدالها بالروثان والصقعي والحنيني والقشده !!

اللحين يعني لو على قولتك كنت جالس بمحلات للروثان والصقعي والحنيني والقشده
وكنت مشغل ( بلوتوث ) ماراح تجيك رسائل اللي تكلمت عنها ؟؟

يعني اللي يجلس بكوفي شوب هو بس اللي يرسل ؟؟
وإلا علوم الرجال ما تحصلها بكوفي شوب على قولتك ؟

ياخي الكريم قليلاً من الواقعيه ;)
اللي ما يبي البلاوي المتنتله اللي ذكرتها كان ما شغل ( بلوتوث )
بعدين البنت اللي شافت جوال امها تقدر تقولي امها ليه مشغله ( بلوتوث ) ؟؟
قلتلك قليلاً من الواقعيه ;)

الخربان خربان راح لكوفي شوب وإلا لبيت شعر

اما بالنسبة لقضية ( برجس والفتاة )
انت قلتها ان الفتاة تتحمل جزء من الجريمة
نسأل الله الهدايه لها وله والستر على بنات المسلمين


خاتمه /
للأسف التكنولوجيا التي وصلت إليها الأتصالات والجوالات تستخدم في بلادنا
بطريقة غبيه وإباحيه لدرجة كبيره !!
وللأسف يذهب ضحيتها الكثير من الأبرياء وتنتهك اعراض كثير من العوائل المحشومه
عن طريق هذه الوسيله التي ارى انها سلبيه اكثر من إيجابيه
لكن اذكر الجميع بأن كل انسان لديه عرض وشرف مثلما يفضح عرض الناس سوف يأتي
يوم ويفضح أحد اعراضه
لأن الله يمهل ولا يهمل

الله يستر علينا وعلي جميع المسلمين