نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

بريماكس · #3 25/01/2010, 12:54 AM

هلا وغلا اخوي القلم الذهبي

لك من اسمك نصيب ماشاء الله عليك

موضوعك يستحق المناقشه ورائع بالطرح ومستغرب الحقيقه من قلة التفاعل معه ،،
لايهم ياغالي قد يكون لقلة تواجدك سبب في ذلك والا موضوعك من اجمل المواضيع في المجلس العام

مهما كان لابد من الصراع واعتقد كل جيل سيتصارع مع الذي بعده
لانه لا يمكن يتقبل هالشئ مره وحده ،، انت ماقصرت ضربت لنا امثله ولا كان اضربلك امثله ..
احنا بعد ممكن نتصارع مع ابنائنا واحفادنا لان زمانهم سيتغير وسيتطور الأمر كثيراً ولن نتوقعه او نتصوره

بخصوص الكدش انا مطول شعري وابطوله زياده بعد

بس يمكن بليله تمسك واحلق صفر

كنت قبل سنتين مطوله كثير وكان والدي الله يرحمه يتضايق لاشافني،،
حتى يلمحلي يقول ماودك ناخذ عمره يبين احلقه ،، وانا اقول الا بس ترى مانب محرم انا

طبعاً هو كبير الله يغفرله ويسكنه الجنه ومثل هالأمور هذي ماتعود عليه وصعبه يتقبلونه ببساطه وسهوله ،،

بنفس الحاله لي قريب شعره اكثر مني بوواجد ولكنه لايجد اي مضايقات من اهله وخاصه والديه
والسبب انه هو اكبر اخوته ووالديه يعتبرون من الجيل الجديد

يعني اشوفه شئ طبيعي جداً هالصراع اللي اسمه اختلاف بسيط

إقتباس


	{النقاش} -هل تعتقد بوجود هذه المشكلة ؟

نعم وطبيعي جداً ولا اشوف انه مشكله بالعكس

إقتباس


	-هل المشكلة في الجيل السابق أم في الجيل الحالي ؟

والله لا بالسابق ولا بالحالي

إقتباس


	-هل كان أجدادنا ينظرون لآبائنا بنفس النظرة وهل كان التصادم موجود ؟

ما اتوقع

لان احنا في زمن التقنيه والاشياء تطورت بكثير عكس زمن الأباء ،،
زماننا يختلف عن زمان الاباء لكن زمان الاباء لايختلف عن زمان الأجداد
( الأباء اقصد كبار السن )

إقتباس


	-هل نستطيع إيجاد حلول لتلك المشكلة ؟

معاليش انا بصراحه ما اسميها مشكله شئ طبيعي هالأختلاف وصعبه تغير قناعات الشخص وخاصه لما يكون كبير بالسن

إقتباس


	اتمنى اني وفقت في إيصال الفكرة

والله انك وفقت واجدت بالطرح الجميل المميز وانا ما اجاملك والله على هالكلام لكن اعجبني طرحك وتنسيقك للموضوع ..
اتمنى لك التوفيق وشكراً على طرحك