والله مدري وش اكتب لكن ما اقول الا الله يعين الهلال كأن هذه البطوله مجرد تسليه والا غير رسميه أو مهمه بالنسبه له !!!!
اختيار الحارس غير منطقي مدري ليه تم وضع شراحيلي وترك حسن العتيبي !!! تناقض غريب يحدث لأول مره في فريق ؟؟ تلعب دور الأربعه بالحارس الاحتياطي الأول في الفريق الأول ويبدع وتأتي في المباراة النهائية الأهم ويشارك الحارس الاحتياط الثاني وشيء طبيعي أن يكون مهزوز وهذا ماحدث أخطاء بالجملة من شراحيلي وهذا التغيير من قبل المدرب ليس له سبب واضح ؟؟؟؟؟
والله خبصه الهلال ياجماعة الخير خلونا نفكر شوي وبواقعيه منطقيه بحته:
اختيارات سيئه من المدرب للعناصر من الفريق الأول عداء هوساوي الله يوفقه رغم الارهاق اللي واضح عليه ... والله العظيم أكثر اللاعبين اللي رفعوا ضغطي صراحة الزوري + الفريدي مدري ليه فيهم برود غير طبيعي ؟؟؟؟ مهارات موجوده وأول مره بحياتي أشوف لاعب كرة قدم يتجاوز لاعب الخصم ويتجه لمرماه وببرود أعصاب ينتظر حتى يلحق به اللاعب الخصم ويعرقل تقدمه هذا حدث للأسف مع الزوري المهزوز والفريدي باشا !!!!!
كان يفترض على المدرب استبدال الفريدي وانزال ياسر القحطاني بدلاً من الداهيه ( المؤشر ) نحن لاننكر أن المؤشر لاعب مهاري وسريع ولكن فات على المدرب أنه يلعب في المساحات الكبيره أما في الزحمه سلم على المدرب وخططه .....
باختصار شديد (( الهلال اضاع البطوله + أضاع إراحة لاعبيه )) يعني كان يخطط لخطف الثنتين ولكن فقدها كلها لاحول ولا قوة الا بالله ... على العموم أعتقد ان الهلاليين سيطول الحديث بينهم بقول (( البطوله عاديه والمهم الدوري وكاس ولي العهد وكأس الملك وكأس آسياء )) ؟؟ إلى متى ونحن نضحك على بعض بعد التفريط وأهداء بطولة الامير فيصل للنصر قبل موسمين بحجة أنها غير مهمه ؟؟ وتناسوا انها بطولة رسميه مسجله في الاتحاد السعودي وتزيد رصيد الفريق في سجل البطولات ؟؟
على العموم خيرها بغيرها وأن شاء الله يحقق الزعيم البطولات القادمه ......
همسة في أذن ( الزوري ) ( الفريدي ) لابد من مراجعة الحسابات والامكانيات الفنيه والمهارية لديكما رهيبه ولكن تحتاج إلى وقفه صادقه منكما لتحقيق المراد وبالتوفيق للجميع ،،،،،،،،،،،،،،،