السلام عليكم ورحمه الله وبركاته

اول موضوع لي يناسب المجلس < دايم مواضيعه تُنقل
المهم .

موضوعي اليوم يتكلم عن (ممكن توصلني قدام )

مثلاً كنت طالع برى البيت ورايق وفايق ناوي تتمشى
وتضيع وقتك وتنبسط وناوي تمر اخوياك ..
وانت في نص الطريق ..
فجأه لقيت احد يأشر لك . . يبيك توصله (نهايه الشارع)
طبعاً انت خذتها بحسن نيه وتبي الاجر
قلت له اركب اوصلك ..
ركب الرجال ....

طبعا الحين راح تصير قصص وسوالف
نادر تحصل شخص ركب معاك (يكون صاحي)






قصه حصلت لأخوي :

هذي سالفه حصلت لأخوي
طلبت منه الوالده يجيب اغراض من البقاله (خبز)
ناوين يحطون العشاء .. وطلع اخوي مستعجل بيجيب الخبز ويرجع بسرعه
وهو رايح للبقاله (أشر له رجال)
اخوي على نياته وقف ولا طرى على باله شي
قاله الرجال : بالله وصلني قدام ... قاله اخوي اركب
اخوي التفت على الرجال وياليته ما التفت
وجهه يخوف تحسه في بلا
قمط العافيه اخوي قاله وين تبيني اوصلك
قال له المحطه اللي قدام < فيه محطه قريبه من الحاره
المهم وهم في طريقه للمحطه الرجال بداء يسولف
كان يقول لأخوي : ياخي ودي اصير جني
ماتعرف احد يخليني اصير جني
اخوي قام (يسلك له)
والرجال متحمس يسال عن الجنون وكيف يصير
المهم الرجال نشب لأخوي قاله هات رقمك
وعطاه رقمه < قامط العافيه ههههههههههههههه

كنت ادق عليه تاخر ماصار ذا خبز
وكان مقفل جواله

ويوم وصل البيت سالته وش فيك تاخرت
علمني بالسالفه .



بصراحه من يوم قال لي السالفه
وكل ماشفت احد يببي توصيل والله لو يحفر
ماوصلته

لدرجه مره طالع من الحاره وحصلت شايب دق الدريشه يقول وصلني قدام
قلت معليش ياحبيبي انا بجيب اهلي من الكوفيره < كان جنبنا مشغل

زحلقت الشايب

ــــــــــــــــــــــــــ


اسأله :

- لو حصلت احد يبيك توصله هل توصله ؟!
- هل حصلت لك سالفه وندمت انك ركبت شخص ؟!
- اكيد سمعت من اخوياك يقولك (انتبه تركب احد) .. كنت مقتنع بكلامه ولا لآ ؟!


وسلآمتكم