السلام عليكم ورحمه الله وبركاته


حياكم الله اخواني الهلاليييين

المهم ما ابي اطول عليكم

كعاده جميع المنتديات الهلاليه ومع كل صيفيه تطلع لنا ظاهره غريبه تسمى ( وعن طريق مصادري الخاصه )

هالاسطوانه نسمعها مع كل عطله صيف انا والله من مصادري الخاصه ان اللاعب الفلاني بيجي لم الهلال والمفاوضات معه في مراحله متقدمه واذا جا وقت الجد ............. تدرون وش يصير

على سبيل المثال

قبل كم يوم واحد من الاعضاء كاتب ان ياسر القحطاني في مصر وان ياسر قال انا هلالي 90 %

واكيد تعرفون انتم معسكر المنتخب وين


ابي اعرف هالحين وش جاب ياسر في مصر
ومفاوضات محمد نور ناس تقول ما صار شي وناس تقول ان المفاوضات في مراحل متقدمه
وما ندري حنا وين الصدق


والشي الثاني من فضاوه بعض الاعضاء كل واحد حاط اللاعبين الاجانب اللي يبيهم زي كل صيف وكالعاده ولا واحد منهم يعني اتحدا واحد منهم تمنى ان سيسه او سيفو او توقع انهم يجون لم الهلال


اما الظاهره الثالثه وهي اللي دايما ما تظهرها جريده الجزيره والرياض مع كل صيف مفاوضه الهلال مع لاعب عالمي ودايما ما يكون رويرتو باجيو

ولا تذكرون الخبر العام اللي كاتبين فيه ان انزاجي بيجي الهلال

وفي الاخير لا لاعب عالمي ولا هم يحزنون

على العموم انا بس حبيت انصح اخواني الهلالييين

انه ما له داعي مثل مواضيع تمنيات اللاعبين الاجانب لانه والله ما حولكم احد الشور والله عند ابو صلعه نجيب وشلته

وانتم والله ما لكم الا الشبوك الحديده

قبل الختام
الجماهير الهلالييه هالحين شابه على حسين المسعري ويطالبونه بالتنسيق هو ومحمد العنزي المشكله ان هاللاعبين في المباريات اللي تهزا الهلال فيها ما شفنا ولا واحد منهم

ومخلين سبب النكبات ولا تكلموا عنهم
وفي الختام تقبلوا تحيات اخوكم


عاشق شقراء