السلام عليكم و رحمة الله و بركاته

بسم الله الرحمن الرحيم

يووووه من زمااان عن ايقونة موضوع جديد

امس كنا في رحلة لأرامكو السعودية في الشرقية مع المدرسة كلش كان مضبوط و يشهد الله اننا كارفين كرف


حتى التذاكر و الاجار حق السيارة الي في الدمام علينا حنا لا و بواسطة بعد

المهم وصلنا الشرقية رحنا ارامكو ما عليها حلوه حلوه

<<قعدو يبربرون على راسه و هو يهزه

المهم خلصنا منها رحنا للظهران مول خلصنا من الظهران مدري وش صار لقينا انفسنا في الجولدن بيتش

رفعت سروال السنه و دخلت البحر يا لبيه بس جو خيالي

و الي زر يبي دباب بحري و حركات لكن انتهو بهم الوضع بالضياع ما لقيناهم الا بعدين

رحت انا و واحد من الشباب مع الاستاذ

المهم رحنا تعشينا في فلفلة بعد قيم كوره انتهى ب1-1 و حراستي كانت 10\10

المقرر ان الرحلة الاقلاع الساعه 11 مدري 11:50 جتنا رسالة تقول ان الاقلاع الساعه 12:50 يعني تأجلت

قلنا ما فيه خلاف عادي ركبنا دبابات قبل لا نروح فلفلة

المهم حضرنا للمطار الساعه 11الا ربع و تكينا و شوي نسمع صياح و زحمه قربنا لقيناهم حقين النصر

قلت بصوت عالي و الله لو الانتر يا شيخ

المهم سلمت بس على السهلاوي

تخيلو حنا حاجزيت 15 مقعد في الطيارة 13 طالب و مدرسين اثنين

جو حقين النصر من دون سابق انذار خذو 10 مقاعد من مقاعدنا!

و يجينا حق الطيارة يقول ما بقا الا 5 مقاعد في الطيارة عطني 5 اسماء ولا بنسكر يالله

و الرحلة الثانية 5 الفجر و حنا جوالاتنا مقفلة <<لابوك يالبلاك بيري قروشة قسم بالله

انا شفت ثنين هجو ركبو الطيارة و الباقين جايين

<<هنا اشتغل الجسم شوي

كم كتف و قصيت البوردنق حقي و خشيت و حجزت لي مقعد و انا اجلس اشوف الي قدامي

ريان بلال و واحد ثاني و قعدت ارفس في الكرسي حقه الي ما التفت علي قالي متضايق

قلت ايه متضايق<<بنص عين

قدم كرسيه الين ما لصق في الي قدامه و قلت ادب\

يوم جت الجرايد اخذت 3 جرايد رياضية و زبنتها

و هذاك يدور قلت ان خلصت انا عطيتك اياها

قعدت اتمعن في كل مقال

بالله يا ناس هل يصح هذا؟

15 مقعد محجوزة و تم دفع قيمتها يجون حقين النصر و ياخذون 10 و يخلون 5 للطلاب بس

و الـ10 طلاب الباقين وش يسوون بالله يتكون الين 5 الفجر و قلب اهاليهم يغلي عليهم..!

و كل واحد بلاك بيري و تقفل جواله من الشحن و الاهل وش يدريهم ان الي صار صار

و الله دنيا علشان نادي كروي سوو كذا و حنا تقروشنا و انا مفروض يوصلين لبيتنا واحد من اخوياي و ما لحق على مقعد الا 5 الفجر و انكبت انا و وصلني واحد جزاه الله خير

سحقاً للخطوط الجوية العربية السعودية و سحقاً للاعبي النصر الزلايب ..!

ما اقول غير

حسبي الله و نعم الوكيل