مشاهدة مشاركة بصفحة مستقلة
  #1  
قديم 04/01/2010, 09:52 AM
المنتدى الاستشاري المنتدى الاستشاري غير متواجد حالياً
المجلس العام
تاريخ التسجيل: 28/04/2003
المكان: المجلس العام
مشاركات: 2,104
Cool «¤¶` فيلسوف المجلس العام / " كان هنا".. ضيفاً على حياة @ نت `¶¤» ‏










  • فكرة : الماسه الزرقاء
  • تصميم : عاشق ابويعقوب
  • إعداد : الفيروسه الزرقاء




بكل الحب والمودة نرحب بأعضائنا وزوارنا الكرام
وكما عودناكم ها نحن نعود من جديد مع برنامجكم




يحكي فيها ضيفنا عن سيرته وحياته في العالم الافتراضي , عالم الشبكة العنكبوتية وعالمه في شبكة الزعيم .

ضيفنا هو أحد ابناء المجلس العام ، وعضو في اللجنة الإعلامية وعضو تحرير في مجلة عالم الزعماء ،

ضيفنا و ضيفكم في هذا العدد من حياة @ نت


المبدع المصمم : كان هنا




بسم الله الرحمن الرحيم

السلام عليكم ورحمة الله وبركاته

بدايةً أحب أن أنقل التعازي إلى جميع الأعضاء في وفاة أخي وزميلي الذي أشهد الله على حبه فيه؛ أخي فيصل بن عبيد العتيبي، وأسأل الله أن يجعـله في منزلة الأنبياء والصديقين والشهداء، ويجمعنا به ومن نحب .

أسعدتني رسالة الإخوة في المنتدى الإستشاري التي تحوي دعوة لعرض حياتي النتية ^.^ .. والتي طلب مني أن تكون جاهزة للعرض في 30/12 من السنة الماضية، لكـن كالعادة لا التزام بالمواعيد ويعود ذلك للمشرف الفذ ماجد مقبل! لحد يقول لي شلون صدقوني هو السبب !
آمممم .. من وأين أبدأ ؟


حياتي النتية بدأت أيام الدايل أب :s .. وكان هذاك الوقت ما أعرف إلا موقع جريدة الرياض ويخب .. يعني أسم أني أعرف بالنت ..
مرّت الأيام وطبعاً ما كنت مدمن على النت .. أشقر عليه لا أكثر ولا أقل ..
إليـن جا اليوم اللي صرت أخاوي الأخ الوالد في المؤسسة، وكان وقتها على بداية الـ dsl في السعودية، أيام كان الـ 64 عشان تشترك فيه يبي لك تاخذ قـرض ..






:: بدايتي في شبكة الزعيم ::


كنت أدخل شبكة الزعيم بيوزر أخوي الكبيـر، وأشارك مشاركات تفشــل .. إلين جا اليوم وشاف أخوي زيادة مهولة في عدد مشاركاته! واكتشف أني أشارك وقرر أنه يتخذ إجراء صارم تجاه هذي المهزلة ولاحد يسألني وش اللي صار .. بديت بعدها أشارك بيوزر أبوي، وعلى فكرة الوالد هلالي صميم متعصب من أيام الكورة كانت " طــوووط " .. ويوزره من عام 2000، ونفس الفكرة تم اكتشاف المهزلة .. وظليت بدون يوزر !





:: استحوذت ع يوزر أخي ::


في عام 2004 سجل أخوي الصغير في شبكة الزعيم بـيوزر ( عبود البطل ) وكان تسجيله ذاك الوقت عشان يلعب بالألعاب الفلاشية اللي كانت فـ الشبكة! طبعاً كالعادة في الحالتين اللي قبل، نتفت يوزره .. وإذا فيه خير يفتح فمه ..
والله ونتفت اليوزر وبديت بالمشاركة ومشاركات تفشل بالبداية .. ثم بديت أشقر على قسم الاتصالات فشبكة الزعيم وكان صديقي بذاك الوقت سكبكب .. و Z 3 E E M .. وما فيه الا قوة ثيمات .. ومبدع ماشاء الله علي :$ ..






:: المجلس العام وكان هنا ::

بديت أشوف المجلس العام .. وجاز لي بصراحة مرتن بالحيـــل ..
على ذاك الوقت كان فيه أعضاء شرواكم .. ينحطون ع الجرح ( يبــرا ) .. ومستانسين معهم، وطبعاً بدينا نفقدهم واحد ورا الثاني وكلن راح فـ حال سبيله، اللي وافاه الأجل .. واللي أعرس " تحمدوا ربكم ولا ترا بتصيرون نفس المشاغب المتزوج .. ياربي لا تبلانا " .. واللي مشاغله قطعته عن المنتدى، وهذا حال الدنيا ومصيرنا بالنهاية نفترق

من ذيك الفترة إلى قبل سنتين كانت مشاركاتي في ثلاث أقسام أقدر أسمي كل واحد منهم موقع بأسره! الاول منتدى الجمهور، والثاني المجلس، والثالث منتدى الابداعات اللي كان له الفضل بعد فضل الله في وصولي لمجلة عالم الزعماء واللجنة الاعلامية وقدرت أخدم الهلال اللي يا ما فرحنا ^.*.. وطبعاً مستحيل تشتغل فالشبكة وما تستخدم هالشي لصالحك .. في هالفترة طلبت تغيير اليوزر إلى ( كان هنا ) .. وهذا حال جميع القادة في العالم .. محو كل ما يحويه النظام السابق





:: العيب هو إنك ماتتعلم وتتدارك الخطأ ::


نرجع لسالفة قبل سنتين .. في ذيك السنة كانت بدايتي تقريباً في المجلة وبديت أحس نفسي عضو خطير في النت .. وكبر راسي وجحدت والدين الدراسة رغم أني كنت دافور :$ .. وبذاك الوقت النصايح كانت تجيني من كل حدب وصوب خصوصاً من الوالد والوالدة .. أنو النت بيكون سلبي عليك ومن هالكلام لكن طبعاً لا بد من المكابرة وكنت أشوف نفسي فاهم والكلام اللي ينقال ما دل درب الصحة! لكن الأيام أثبتت خطأي الفادح يوم جبت العيد وسنتي الدراسية هذيك كانت أسوأ سنة في تاريخي العريق .. وأحمد ربي واشكره على هذيك السنة اللي لو لا فضل الله ما تداركت نفسي .. وبصراحة ماهو عيب أنك تخطأ، لكن العيب أنك ما تتعلم وتتدارك الخطأ.. من هالـ ( كبوة ) تعلمت بفضل الله كيف أنظم وقتي وأجمع بين الفلة والواجبات ..





:: النهاية ::

ملخص الكلام هذا كله .. قضيت سبع سنوات في عالم الانترنت .. كلها كانت في شبكة الزعيم، وكان فيه بعض المحاولات لإنشاء منتدى خاص، وكانت فكرته جداً جداً جميلة وهدفه راقي جداً وما أمدح نفسي والله لأن الفكرة ماهي فكرتي .. لكن حقيقةً المنتدى كان سيكون له مستقبل باهر لو وجد البيئة لكن الحمدلله على كل حال ^.* ..
هذي حياتي بالنت .. أتمنى أن الكلام اللي كتبته يكون يضيف لك أكثر من الوقت اللي بذلته في القراءة ..
وأعتذر للإخوة في المنتدى الاستشاري، ما عاد أعودها S45S ..




نشكر الأخ الغالي : كان هنا لإستجابته لدعوتنا ولـ إبحاره بنا في عالمه الإفتراضي



تقبلوا أرق التحايا وأطيبها من

مشرفي واستشاريي


منتدى المجلس العام





للإطلاع على الحلقات السابقه لـ ضيوف حياة@نت


«¤¶`أرشيف حياة نت " `¶¤»