هلا اخوي زعيم الابداع ..

انا واحد ممن يطالب بوضعه على قائمة الانتقال .. وتعال نحسبها صح .. نحن نتناقش اللي غايب عني تنورني به .. واللي غايب عنك يمكن انورك به ..

انت تقول التالي :
(ولانه لايعلب في مركزه الاساسي ومن ثم يجتهد حسب استطاعته يطالبون بذلك) ..

وهل ستغير خانته لو كان ماليها ؟؟!!

اذا خالد عزيز نقوله بالفم المليان راجع نفسك مستواك في هبوط مخيف .. فكيف اجل بالاحتياط لخالد عزيز .. اللي لو كان فيه من يملى خانته لما لعب خالد عزيز ومستواه في هبوط .

الشيء الثاني .. مافيه لاعب ماتسبب في بلنتي ولا جاب هدف ولا بدع في يوم .. ولا يعني ان نطالب بوضعهم على قائمة الانتقال اننا ننسى ماقدموه .. لكن انت في زمن الاحتراف .. واذا ماتبيع عقد اللاعب وفيه من قد يضمه لفريقه .. فستخسر رواتب لاعب لا يقدم شيء .. وستخسر قيمة انتقاله والاهم ستخسر خدمات لاعب انشط وافضل منه .

شوف القهوجي والسويد .. صفقات فاشله لنادي الاتحاد .. والكسبان فيها الاهلي .. لكن احنا لا .. نستانس لين ينتهي اللاعب ونجي بعدين ندور احد يشتريه . الغامدي واضح ماعاد عنده مايقدمه ..

مقبول من اللاعب مايقدم مستواه في مباراة ثنتين ثلاثه خمس .. لكن موسمين ورى بعض .. هذا اللي ضيعنا ..

وعموما هي وجهة نظر .. واختلاف الاراء شيء طبيعي .