المحور الاول
تشكيلة الهلال المتوقعه من المدرب
الدعيع-زوري-هوساوي-المرشدي-لي يونق-رادوي -الغنام -الشلهوب-نيفز-ويلي-ياسر
لكن انا اتمنى يدخل بدال الغنام الفريدي ان كان جاهز ويلعب بمحور واحد والسبب
ان النصر دائما يكون تكتيك مدربه سيء في الشوط الاول ويقيد لاعيبته والدليل قبوله اهداف كثيره بالشوط الاول
اما الشوط الثاني مع بدايته اطلع الفريدي وادخل الغنام .
المحور الثاني
اهم التعليمات الي بقولها هي على الزوري والشلهوب بستغلال منطقة اليمنى النصراويه الي يتواجد فيها لاعب ضعيف مثل هزازي كان سبب في خسارة فريقه كثير من النقاط وعلى الزوري الرفعه تكون للقائم الاول واتمنى تنبيه ياسر و ايضا ممكن تكون فاعليه للقائم الثاني لو كانت الرفعه من الاعب الكوري او ويلي بسبب تواضع مستوى الظهير الايمن النصراوي وضعف بنيته الجسمانيه وضعف تخليص الكرات الراسيه.
التسديد من خارج المنطقه ماراح ينفع امام النصر وخصوصا حارسهم العنزي يتميز بهالكرات ولكن يمكن استغلال الكرات البينيه اما متوسطي دفاع النصر بسبب قلة خبرتهم وغياب ادير البرازيلي.
اهم نقطه وهي عيب في الهلال الى الان هم قلوب دفاع الهلال لابد يكون واحد منهم ماسك براس الحربه السهلاوي ويقطع الكور قبل وصولها لها والثاني يكون مساند له وبالنسبه لخط الدفاع بالكامل عليهم تضيق المساحات امام منطقة الجزاء والضغط على لاعب الكوره.
بالنسبه للاعب فيقارو لاعب النصر الخطير فمن السهل انهاء خطورته عن طريق مراقبته مان تو مان عند اقرب شخص له في حالة الهجمه النصراويه.
بالنسبه لشوط الثاني
تنبيه لجميع الاعبين بلعب الكورة على الارض وعدم خسارتها وخصوصا من المحاور بسبب سرعة ارتداد الهجمه النصراوية.
مع انزال العابد مكان الشلهوب واستغلاله المنطقه اليمنى النصراويه.
المحور الثالث
اربعه صفر للهلال وبتكون اغلبها بالشوط الاول
المحور الرابع
مباره سهولتها وصعوبتها بيد لاعبين الهلال من خلال التركيز والروح العالية مع اني لو كنت مدرب الهلال
راح العب بتشكيله ماحد يتوقعها والكل راح يحس انها ضرب من الجنون لكن من خلال معرفتي بتكتيك النصر
فا راح العب بالدعيع والزوري والمرشدي وهوساوي ولي يونق ورادوي وامامه الفريدي وويلي يمين والشلهوب يسار وبمهاجمين ياسر والعابد واخلي نفيز لشوط الثاني .
لاستغل ضعف تكتيك النصر خلال الشوط الاول وخلال الشوط الثاني انزل الغنام ونيفز مكان الفريدي والعابد
وفي الختام ماودك احلل بدال مدني رحيمي
