|
مفارقات حلوه ومو حلوه ...واقول للي يتشائم من استاد الملك فهد : نسيت بطولات الزعيم على نفس الاستااد؟؟؟
السسسسلااام عليكم ..... كيفكم يازعمااااءء ويازعيمااااااات ؟؟ * يوم الخميس اعتقد راح يكون مفترق طرق بالنسبه للهلال لعدة اسباااب ..
اول الاسباب ان المباراه تعتبر ديربي ولها حساباتها الخاصه جماهيرياً
واعلامياً وتاريخياً ... صحيح انها مباراه ضمن مباريات الدوري وكلها
ثلاث نقااط .. لكن صدقوني النظره للديربي تكون مختلفه شوي ... واتمنى
ان النصراويين يخلونا نستمتع بالديربي مو مثل مباراة الدور الأول يلعبوو
كلهم دفااع والسهلاوي وسط 
وثاني الاسباب ان فوزنا على النصر راح يعطينا دفعه كبيرره لمواصلة الصداره
واللعب بباقي المباريات بنفسيه مرتاحه اكبر .. وكلنا نعرف ان الخساره في الديربي
تكون آثارها نفسياً صعبه شوي على اللعيبه .. ويمكن تتسبب في نوع من الاحباط
وخصوصاً ان الهلال ولله الحمد ماانهزم ولا في مباراه هذا الموسم ... عشان كذا
تكون صعبه يوم تفوز بكل المباريات وتخسر في الديربي ..
ثالث الاسباب ان فوزنا ع النصر راح يعطينا دافع للفوز على الاهلي والرائد والفتح والحزم
قبل الوصول لمباراتي الشباب والاتحاد .. رغم ان النصر مستواه اقل بكثير من الهلال ولكن
المعروف ان كل الأنديه قدام الهلال تظهر بشكل مختلف فما بالكم بالنصر اللي يسعى وبقوه
لفك النحس والفوز على الهلال بعد الاخفاق خلال 6 سنوات بعدم الفوز امام الهلال بالدوري..
* النقطه الثانيه ... واللي مخوفتني هي تكرار المفارقه العجيبه اللي حصلت للإتحاد الموسم
الماضي .. وكلنا نتذكر ان الاتحاد وصل للدور الثاني بدون هزيمه وواصل انتصاراته لحين
مواجهة الند التقليدي ( الأهلي ) ورغم ان الترشيحات كانت تنصب في مصلحة الاتحاد في تلك
المباراه ومع ذلك استطاع الأهلي الفوز 2\1... رغم ان الاتحاد واصل انتصاراته وحقق لقب الدوري
واخر مباراه كانت قدام الهلال وكلنا نذكرها ..
وياخووفي ان المفارقه تستمر مع الهلال .. ويخسر مباراة النصر ( لاسمح الله) ولكن ان شاءالله
ان الهلال يفوز ع النصر ويواصل انتصاراته ويحقق الدوري بدون هزيمه ..
*مباراة النصر اعتقد راح يكون تحدي جديد للكابتن ياسرالقحطاني .. ( الله يكون بعونه )
راح يكون تحت ضغط جماهيري كبيرر جدا .. رغم انه الآن يقدم مستويات جدا جميله
واكبر دليل مباراة الاتحاد .. سوى فيها شغل مو طبيعي .. وجهز اكثر من هدف .. ومع هذا
الجماهير كانت تلومه!!! ..
* المفارقه العجيبه اللي كل الهلاليين يتفائلون فيها .. ان النصر مافاز على الهلال في مباراة
يلعب فيها ( ياسر القحطاني ) .. وهذي تعتبر مفارقه وليست شي مضموون ... ولكن اتمنى
مثل ماتتمنون كلكم ان المفارقه تستمر .. وينجح الهلال في الفوز .. وتتواصل المفارقه
* نقطه اخيره .. ومستغرب من شي اشوفه من جمهور الزعيم .. ان اغلب الجماهير الهلاليه
يبدون استيائهم من استاد الملك فهد ويقولون انه نحس علينا !!! طيب اوكي يمكن عشان خسرنا
نهائي قدام الشباب ونهائيين قدام الاتحاد وطلعنا من الآسيويه .. ولكن ليه تنسون اننا في استاد
الملك فهد الدولي حققنا اكثر من انجااز آسيوي .. وعربي .. ومحلي؟؟ وياكثر البطولات اللي
حققناها بالأستااد هذا... ومااعتقد في شي يخلينا نتشائم للدرجه هذي!!! .. واللي يحب الهلال
من قلب .. راح يتواجد يوم الخميس ويحجز مقعده من بدررري .. ومع الهلال وجيريتس
وعبدالرحمن بن مساعد مافي تشائم ان شاءالله .. بس فكونا من خرابيطكم .. قبــــل الوداااااااااع بالصمت اجاوب ..واخفي الصمت بالصمت ****** القول حكمــه ... لكـن الصمت له تآآآآآآآج  | 