26/12/2009, 04:56 PM
|
 | كاتب مثقف بالمجلس العام | | تاريخ التسجيل: 18/04/2007 المكان: مازلت على ذلك الجرف.
مشاركات: 7,822
| |
خويتس تسذب - تسذب فيه شياب وعجز ما عندهم وقت فيه شايب قابلته سبعيني ، أول ما سمعت سوالفه جاز لي هاك الشويب صرت بعدها أتصيده لحاله ( يقالي - بآخذ الحكم من لسانه )  ويقالي بقارن زمان أول مع التالي فالحبيب شارك مع الجيش في سوريا ولحق على حروب كثيره قلت بس هذا المطلوب ( بيجيب لنا علوم الأولين ). الحبيب ما عنده وقت يسولف بالسياسه والإقتصاد والتاريخ ( وكل العلوم عنده ). فيمر عليّ من سوالفه الكثير من التسذب بالبدايه كنت أمشيها له ( إحتراماً ) لشعره الأبيض بس حسيت إنه ( إنبسط معي ) وقال هذا يصدق بالأخير قمت أوقفه عند حده فيه ( كذب غير طبيعي ) من قوه الكذبه صوت فارس عوض يرن بإذني ( ياربااااااااااااااااه ). بعطيتس وحده من كذباته يقولتس بعهد الملك عبدالعزيز كانوا ما يشرهون تشريه عادي يقول يمشون الخدم وينطلون على الشعب ( ريالات فضه )  يا كبرها كبراه لعنبو حيه ( الريال ) العادي تعشي قبيله ويكفيك أسبوع لا وتقدر تجمع وميزانه الدوله عاديه وهذا يقول يشرهون بريالات فضه!!. قمت أوقفه عند حده ، وحس إني كشفته ما عاد يسولف معي وبعد ما سألت عنه ، إثره معروف وهو جالس يطقطق عليّ طول هالمده وإذا على الحكم ، فأمحق حِكم _____________ والله يا ذا المنتدى جاب لي المرض!! السيرفر مضروب!!.  |
