بســم الله الرحمن الرحيـــم
اولآ , ابآرك لكـــل ازرق هلالـي على هذا الفــوز المهــم , والمهـم جدآ للهلآل في صـداره الترتيــب
ونقــول بعد كل حــدث { الحمـــدلله على كل حال } ويـاعسى الهلال دووم على هالحـال واحسن يارب
ثآنيـآ : ابـآرك لنفســي وسـآم افضل محـآور , وانا لي عظيـم الشــرف اني اكون من افضـل المحاوريـن واللي يزيــدني شـرف : اني اخذت هاللقب في موقع الزعيــم : وـه بس
نتــكلم عن المبـآراه والنقاط المختآراه لنـآ
اولآ : ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم
بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟
كان التنظيـم الدفاعي للهلآل رائع في الحقيــقه لكن كان يعيــبه قليـلآ بس عدم القدره على بناء الهجمه من الخـلف الا الامام , يعني كنا نشوف الكوره اذا انقطعت في الهجمه الوحداويه وصارت الكوره بحوزه دفاع الهلال غالبا نشـوف تشـتيت للكوره بدون تركيـز.. بالنســبه في بناء الهجمه كان اكثر من رائع والدليل اننا شفنا الهدف الاول كان نتاج للهجمه السـريعه والمرتده , والثاني من نفس الطريقه . كان جدا رائع ومنظـم , مره نشـوف الهجمه من اليسار , ومره من اليميــن , ومره من العمق اما الارتداد للدفاع في حال الهجمه الوحداويـه ماكان بقيـمه وثقل الهجمه المرتده الهلاليـه
كان جيــد بمجمل عام في وجهة نظري
من نآحيـه الهجوم كان ارتداده جيـد خصـوصا اذا تكلمنا عن مهآجم وحيــد
وبالنسـبه للاعبي الوسـط كان ويـلي والغنام هم الابـــرز الحقيــقه
اما للدفاع فكان بالاساس قليــل مايتقدمون وهنا نقطه كانت من اسباب الانتصار للهلال بعد توفيق الله اما عن التبـديلآت فعـن نفسـي مااشـوف انها كانت موفــقه لدرجه كبيـره وراح ابين وجهة نظري في كل تبــديل
نواف العـآبد بديـلآ لمحمـد الشـلهوب . كان تبـديل رائع كأسـم وقدرات , لكني كنت اتمنى من قـريتس ان يكون نواف العابد على الاطـراف لأن عمق الوحده كان ثابت . وكان يفضل استغلال سـرعه ومهاره نواف العابد على الاطراف لتشـكيل الهفوات في الدفاع الوحداوي , لكننا شفنا نواف يلعب في العــمق وعلشان كذا مااشوف ان هالتبديل موفق
عمـر الغامدي بديلآ لمحمد نآمي , تبـديل كان اكثر من رائع , ماحد ينكر ان محمد نامي كان نجم من نجوم المباراه , لكن التبديل في وجهة نظري كان بسـبب البطاقه الصفراء لنامي , وكان قريتيس محتاج لاعب يصعب اختراق منطقته زي عمر الغامدي والكل شاف ان ماحد قدر يتجاوزه , واللي يميـز عمر ان له بنيه جسمانيه جدا رائعه
عيسـى المحاني بديلا ليـآسر القحطاني . مااشوف انه تبديل احدث الفرق الكبير , لو كنت مكان قريتيس ماسويت هالتغير , لأن الهلال كان متقدم ولايفكر في الهجوم اكثر من انه يقفل المنطقه ويدافع , وحنا عارفين ان المحياني لاعب يجيد اللعب داخل الصـندوق اكثر من خارجه على عكس ياسـر
ثآنيـآ : ماهي أبرز السلبيات والإيجابيات التي دونتها على أداء الفريق خلال المباراة ..؟
زي ماهو معروف ان الفـوز يمحي العيـوب لكننا كمشجعين نعرف ان الفوز ليس كافيا لابد من ذكر السلبيات والايجابيات الايجآبيـآت: 1- اللعب الجماعي الرائع في الحقيـقه من لاعبي الهلال واللي سبب فراغات في ملعب فريق الوحده
2-التحـرك الاكثر من رائع بدون كوره , وهذا اللي شفناه في الهدف الاول والثاني
3- التفاهم الكبيـر بين لاعبي الهلال
4- الانظباط التكتيـكي الواضح من لاعبي الهلال فكنا نشوف ان اغلب اوقات المباراه الكل يقوم بأدوراه على اكمل وجه السـلبيآت 1- الكرات العـآليه بالنسبه للمدافعين , فكان موجود ضعف بسيط وكلن تسبب في الهدف الوحداوي واكثر من هجمه خطــره لفريق الوحده
2- التراخي بعد الهدف الهلالي الثاني , وماشفنا الجديه اللي كان لاعبي الهلال عليها من بدايه المباراه
3- الكـرت الاصـفر اللي ماكان له داعي لويلهامـسون 
اما عن المرشــدي فكان مستحق ودخول عنيـف يستحق الكرت , لكن ماكان عنده حل الا هالطـريقه لأبعاد الخطـر
4-التمـريرات الخاطئه الكثـيره في منتصف الملعب اللي كان يحتاج لها تركيز اكثــر 
ثآلثـآ : ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟
ومن اللاعب الذي ترى أنه لم يقدم المستوى المأمول ؟
تقيـيمي راح يكون من عشــره : الدعيـع = 9 ونص من عشـره , لدرجه كبيره كان مصدر اطمأنان للهلال ولدفاعه
محمد نامي = مسـتوى اكثر من رائع وان شاء الله من كذا واحسن . 9 من عشـره
اسـآمه هوسآوي = يآليت القى شي يوصــف ادائك والله , عشـره من عشـره
المرشــدي = في كل مباراه تثبت انك تسـتحق هالمركز في دفاع الهلال , بس كان العيبين الوحيدين , الكرت الاصـفر وعدم التغطيه في الهدف الوحداوي . 7 ونص من عشـره
لي يونج = صحيـح ان الهدف الوحداوي كان بسـوء تغطيـه منك لكن يصعب علي انكر ادائك في المباراه , 8 ونص من عشـره , وماتشـوف شر على الاصابه
رادوي = في نظـري هالمباراه اقل مسـتوى اشوفه عليــك , 6 من عشـره
الغنـآم = اداء رائع وانظباط تكتيـكي جدا ممتآز 8 ونص من عشــره
الشـلهوب = اداء رائع وتوزيع للعب بشكل جميل , وزياده على هالكلام الهدف العـآشر يآبو عشـره
تيـآقو نيـفيز = لاعب مؤثر في كل هجمه , رائع في التوزيع والتمرير , اجمل في صناعه الاهداف , لكن في بعض الهجمات يعيبـك عدم التمرير السـريع , لكن ماقصـرت , 9 من عشـره
ويـلي = مجهـود وافر وجميل , في الارتداد والهجمه السـريعه , لياقه بدنيه عاليه ( ماشاء الله ) , 9 ونص من عشـره
يـآسر القحطاني = كان واضح عليـك التركيز الكبير , والاصرار على العوده لمسـتواك المعهود , ماقصـرت يابو سعيد , سحبت الدفاع وفتحت ثغرات في الدفاع الوحداوي , سجلت , ومررت , من كذا واحسن يارب 9 من عشـره
نواف العابد = ماكفاك الوقت تقدم اللي عندك , 5 من عشره
عمر الغامدي = في الوقت القصـير اللي دخلته كان لك اثـر ياكبــير 7 من عشـره
عيسـى المحياني = لاعب مثلك كمهاجم يحتاج التأفلم مع المباراه اكثر , ماقصـرت ياطلق المحيـآ 6 من عشـره
اللاعب اللي اشوف انه كان من نجوم المباراه في الحقيـقه : اسامه هوساوي , كان مصدر اطمأنان كبيــر جدا للهلال
وازيـد اني اعجبت بمسـتوى محمد نآمي
اللي اشوف انه ماقدم المـستوى المأمول منه = ميــرل رادوي , ماانكر انه كان له اثر في المباراه , لكن تعودنا منه انه يكون بأحسن من هالمسـتوى
رابعـآ : ماهي رؤيتك الخاصه عن المباراة (( مساحة حره للعضو )) .؟
احمدالله على هالفوز المهــم في الحقيقـه وماانكر انه جا بصعــوبه , وهنا تكمن حلاة الدوري الســعودي , دوري زيــن للمحتـرفين
المباراه كان جدا حلوه من الطرفيــن وان شاء الله تكون طلعت بالشكل اللي يليـق بمستوى الكوره السعوديه
ماادري وش السبب اللي أخر الجماهير الهلاليـه , لكن واضح انه كان من سوء التنظيـم للملعب
وجدا كان حضـور رائع اللي ماتوقعت انه راح يكون بهالكثـره
واشـكر فريق الوحده اللي بادل الهلال مباراه مفتوحه وسـريعه وبالاخص كوره حقيـقيه شاهدناها على ارض الملعب
* واضح ان الجو ماكان له أي تآثير على المباراه , فالكل شاهدها حمآسيه ورائعه , والجو كان جدا رائع وساهم بخروج المباراه بهذا الشـكل الرائع
اعيب على الحكـم الكثير من قراراته , في نظري ان العمـري كان من افضل الحكام لكن في هذي المباراه مااعتقد ان هذا هو العمـري اللي عرفته في كثير من المباريات
محمد الغامدي , صحيح انك اخذت افضل حكم خط في اسيا قبل موسـمين لكن الهدف كان واضح وضوح الشـمس , وراح يكون له اثر في تقيــيمك عند لجنه التحكيـم الخاصه
وفي النهايه اشـكر كل من ازر وشجع الهلال بحـب وعشق
ونتمى للهلال التوفيـق في كل وقت وكل مكان
وشــكر لشبكه الهلال على تـقديم كل مايرضي المشجع الهلالي من مواضيع وجديــد
تقبــلوا مروري واسف على الاطالـه 
