ههههههههه اضحكتني وش خليت ؟؟؟؟؟؟؟

ثانيا مين الحارس الجهبذ الي تترجى منه شي ؟؟؟؟؟؟

لا يكون الماس تبي تعطيه فرصة مو هالنحاس ياخذ فرص في بطولة الصداقة وكاس الاتحاد وما شفنا منه شي يخلينا نعطيه فرصة مكان الدعيع

ولا تبي العتيبي؟؟؟؟؟؟؟ يتالق مباراة وينسفك في عشر وما ننسى كم بطولة خسرها الهلال بسببه لكن تقدر تقول لي بطولة كسبها الهلال بسبب حسن العتيبي

اما محمد الدعيع فحدث ولا حرج يكفيك ان الهلال مع الدعيع ما خسر اي مباراة نهائية

يكفيك من الدعيع انه كان السبب من بعد الله في وقاية الهلال من الهزائم الكوارثية الى ما قبل مباراة الشارقة وكثر الدق يفك اللحام

تبي تشوف مباريات

ارجع لمباراة الهلال والاتحاد في الدوري الاولى وشوف ثلاثة انفرادات انقذها الدعيع وانتهت المباراة صفر صفر

ارجع لمباراة الاهلي في كاس ولي العهد الاولى وشوف الضغط الرهيب الاهلاوي وشوف كم كرة طلع الدعيع وكاد يوصل الهلال للتعادل لولا تصرف الجهبذ خالد عزيز واهدائه كرة سهلة لابراهيم سويد عشان يسجل مع انها سهلة للدعيع

مباراة الشارقة الدعيع لا يتحمل الا الهدف الاول

مباراة الاهلي هدف ضربة جزاء

اما الشريدة فمين راح تجيب بداله؟؟؟؟؟؟؟؟ اسعد عمر قلي؟

انا معاك الشريدة مستواه منخفض بس مين يقوم بدوره اذا اعتزل

سليمان ولا المفرج ولا مين؟

وفر بدلاء وراح نقول للشريدة كثر الله خيرك لقينا دفاع غيرك

سامي الجابر نفس الكلام مين الي يقدر يقوم بصناعة اللعب ويريح الدوخي من العبأ الي حاملنه بحيث انه مدافع في الاصل ومطلوب منه صناعة الكرات للفريق الجهبذ الي خط نصه عاجز ان يصنع نصف فرصة من خلال تجنيحات سيسيه الحوارية ومهارات عزيز والخثران الممتازة وبرود مسيو سعد الدوسري

يعني باختصار قبل ما تنتقد اتمنى تقول مين البدييل حتى نعرف اننا لما ننسق لاعبينا راح نلاقي بدلاء لهم