لبسك طهارة لا يهمك كلامهم او حتى استهتارهم لبسك طهارة اشمخي فوق الجبال لا يهمك كل متكبر ومتعال لبسك طهارة عفه وشيمه وكرامه قيمه بقلوب النشامى ياطاهره ولبسك طهاره. كنت بالعمل وكنت طالب من القسم النسائي أوراق يجيبونها لي . لحظه قبل كذا ترا بوهـ فيه مراسل ابلشنا كل يوم داخل علينا بورقه يشرحه فيها ضروفه ومعاه فواتير ودايم ارده ويرجع .
المهم انا سهيت واطلقت العنان لحبل الافكار وانقطعت الأفكار علي صوت واحد من الزملاء ينادي ياعقـل وألتفت الا حرمه كبيرة شوي بالسن لابسه لبس اسلامي كامل من راسها لرجولها معاها ورقه وتمدها لي, أنا اعطيتها ظهري وقلت الله يعطينا ويعطيك وهي تنطلق الضحكات الخافته اقرب ماتكون ضحكات سخرية من الجالسين بالقسم وهي ترمي الورقه ع اقرب طاوله لها وتقول هذي الاسماء اللي انت طلبتها .
تمنيت الارض تنشق وتبلعني انصفقت على وجهي صفقه الله اعلم بها سكتت للحظات وهاوشت اللي عندي على ضحكهم وكان عذرهم نحسبك قاعد تتريق كعادتك رديت عليهم الا هالمرة والله ما اتريقت عليها ولا افكر اتريق بواحد عليه سمات التدين وقمت على طول لمكتب المدير العام وشرحت له الموقف وقلت له ابيك تعتذر لها عني بالنيابه لأن والله مالي أي وجه أقابلها فيه .
فعلاً اعتذر لها المدير وانا اسمع وبعدها رجعت لمكان شغلي ,
هي صارت أقوى مني جاتني للمكتب وقالت لي ترا اعتذارك وصل وانا مقدره لك موقفك لأن لبسي مايهيأ لي انه اتوظف هنا بس الحرمه , وانا أختك الحرمه كل راس ماله هو عفتها حتى بالنظر .
تشكرت منها وتشكرت مني , وانتهي الموقف
لو داخله علي وحدهـ لابسه عبايه اشبه بالفستان ومسويه لثمه و وميك أب وعطر فرنسي فواح وش راح تكون ردة فعلي هل راح اعتقدها شحادهـ ؟؟ أو راح يلفتني مضهرها واسألها وش هالورقه واعدل جلستي وارمقها بنظرات الإفتتان كم ذنب راح ارتكبه اثناء هالموقف والسبب المظهر الغير محتشم !!؟
جوهرة أنتي و ثمينة
بعيده عن عيون الذنب
ياعين من رباك ياعينه
صنتيه بالروح والقلب
