[QUOTE]
دلع الإمارات هالنقطة خاصة فيك ..

في العمل .. نقلت من قسم لقسم آخر .. تصدقين جاني واحد ماله علاقة بشبكة الزعيم وهو أحد الموظفين في قسمي السابق وبعد طول غيبة ويقولي .. اخبارك يابو طلال .. قلت بخير .. وبعد السؤال .. قالي .. هبلت فيك دلع الإمارات يابو طلال ؟؟ شكلها تحبك ! ويلمح إن في علاقة بيننا !! قلت وإنت وش دراك عن شبكة الزعيم وعن دلع الإمارات !!؟؟
قالي أخبارك كلها عندي .. ويوم أصريت عليه وخصوصا بعد ماشافني ( زعلت من هالكلام ) علمني الصراحة وعن الشخص ( العاقل ) اللى يمشي ويتكلم بمثل هالأمور !! مااقول إني إنصدمت !! متوقع يسويها لأنه كان يمزح بمثل هالامور أمامنا .. بس ماتوقعت إنه حريص على نشر مثل هالإشاعة برى النت .. وبشكل يسيء للجميع !! خصوصاً إني متزوج وأبو عيال

المفاجئة إن هذا الشخص ( معروف ) عندنا ... هل يملك الشجاعة ويعتذر على الخاصة وذلك من باب الستر ؟ أم يستمر الصمت ... ويدوم .. ويدوم .. ويدوم ..[/QUOTE]

بو طلال تعرف ليش الغيت خدمة راسلني ..؟؟

لانه هالشخص اللي تتكلم عنه .. هو نفسه كان يوجه لي اتهامات في خدمة راسلني .. وكنت مطنشته لاني انا واثقة من عمري ..
واكثر من رساله يتني .. كان يقولي فيها نفس الكلام اللي اتقوله واكثر ..

و صدقني انه هالشخص امسجل في الزعيم لكن انته ما تعرف عنه .. وانا بعد ما اعرف عنه ..

اذا انته متزوج وعندك عيال .. حتى انا متزوجه وعندي وبنت .. لكن هذا اللي ينشر الاشاعات واحد مب عاقل وما يستحي .. ولا يخاف ربه ..
( السموحه حتى لو كان ربيعك )

والشي الثاني ..
كنت اتمنى يا بو طلال انك ما تعبر هالشخص و لا اتنزل هالموضوع بسبت اشاعه ..
شكله الحينه يقرى الموضوع وهو مستانس لانه في حد عبراه وعطاه ويه ( عطاه وجه )

سؤال يا بو طلال .. بعد الكلام اللي صار .. تتوقع انه بيعتذر ؟؟ !!
ما ظنتي .. !!! ولاسباب باينه للجميع ..

وفي شي ابا اوضحه ..
إنه كل اللي في الشبكة أعزهم مثل اخواني ولو انه أقل بشوي منهم ..
وعلاقتي ما تتعدى على موضوع وارد عليه .. لا اكثر ولا اقل ..
في مواضيع نتشارك فيها .. اذا فرحو فرحنا .. واذا زعلو زعلنا ..
اسالو اي شخص في الشبكة اذا كانت علاقتي بهم اكثر من هالشي .. يعني كعلاقة بره المنتدى .. ( خافو ربكم )
عمري ما تعديت حدودي .. على حد من ناحية العلاقات ..

صحيح انه نتضارب ونتمشكل مرات بسبت كم موضوع .. لكن من ينتهي الموضوع .. ينتهي كل شي بعد كم يوم ..

لكن للاسف انه في ناس اتفكر غير جيه ..

صح اني كنت اتمنى انك ما تعبر هالشخص .. ولا اتنزل موضوع عشانه .. لكني بنفس الوقت اشكرك على جرأتك وطرحك للموضوع .. عشان يتبين كل شي للجمييع ..






وفي الأخير والاهم من هذا وذاك >> بقى شي مهم أصلااا ..؟؟





نسيت اقولك انه البيبسي بعده عندنا بدرهم .. ( هذا والاسعار اصلااا مثل ما اتقولون انه مرتفعه لكن الحمدلله البيبسي ما ارتفع )
والشي الثاني عادي ما يهمني اذا نزلو سعره وله رفعوه .. لاني ما اشربه ولا احبه ..